• ×

02:45 صباحًا , الإثنين 19 نوفمبر 2018

نموذج مستعمرة : النوع قائمة

نموذج مستعمرة : النوع قالب فيديو

قائمة

نادي الفرد

زيادة حجم الخط مسح إنقاص حجم الخط
في السلك.....بابكر سلك

نادي الفرد

> ناس خالدونا جننونا
> نادي الديمقراطية والحركة الوطنية
> فلقونا فلقة
> وغنوا مع وردي أبداً لحكم الفرد لا
> واثبتت الايام أن الهلال ليس الا نادي فرد
> فرد واحد وبس
> وده كلام شين شديد
> محتاج في ممارستو لكسير تلج شديييد
> وأنا اقول نص الهلالاب ديل الانفلونزا ابت تخليهم ليه
> تخليهم كيفن مع التلج البكسروا فيهو يوماتي ده
> اختزلوا الهلال في الكاردينال
> حتى خلت شعارهم قد تحول الى
> الله الوطن الكاردينال
> وفيهم وحدين حولوا الشعار الى الله الكارينال الوطن
> على الرغم من أن شعار الله الوطن... الخ
> هو ليس بالابداع الهلالي
> لان التاريخ يحفظ لنادي الزمالك المصري ابتكار ذلك الشعار
> المهم ناس الحركة الوطنية عملوا حركة قردية واختصروا الكيان بي شعبو وتاريخو في رجل واحد يدعي الكاردينال
> يابتوع الحركة الوطنية طلعتوا بتاعين حركات قردية
> قال وطنية قال
> كردنة عمل ليهو بلكونة في الجوهرة حقتو براهو
> يقعد فيها زي سواق البنطون الفوق ويتآمر في التحت زي ما داير
> وكلنا يذكر كيف طرد عضو مجلسه من تلك المنصة عندما اراد عضو المجلس مشاركة كردنة تحية الجماهير
> زي ده في المريخ ما بحصل ولا حصل حصل
> كردنة ياخ
> عمك في قناة الهلال صورتو لو قفلت التلفزيون قاعده
> كردنة ياخ
> كل الاناشيد كردنة
> كل الصور كردنة
> حتى تاريخ الهلال اصبح كردنة
> وتقول لي حركة وطنية؟
> حتي اخبار الهلال
> كردنة يكمل اتفاقة مع اللاعب فلان
> وين الهلال من هذا الاتفاق ياخالد حركة وطنية؟؟
> كردنة في القناة
> يقعدوا ليهو معظم الشغالين في القناة لحوار ما فيهو كلمة مفيدة
> وما بضحكوا الا يضحك كردنة
> دي برضك حركة وطنية؟؟
> وفي مرات مايعرفه آدم القاعد في بيت كردنة عن الهلال لا يعرفه أعضاء مجلس الكاردينال
> اقصد اعضاء مجلس الهلال
> وتقول لي حركة وطنية؟؟
> وقالها قبل كده كردنة
> الفول فولي
> يعني دجاجي يلقط الحب وهو ساكت ولا عجاج كرعين الجداد
> ديمقراطية الجداد البلدي يا مرسي
> وكردنة يصرح بإنو قاعد خمسة وعشرين سنة
> انتوا الدكتاتورية عندكم كم سنة ياخالد عزالدين؟
> ايها الناس
> نحنا في المريخ ماعندنا زي ده
> لأنو الفهم عندنا ان ديمقراطية المريخ ترفض صرف الرجل الواحد وحكم الرجل الواحد ورجل الحكم الواحد وجيب الرجل الواحد ورجل الحزب الواحد وحزب الرجل الواحد
> والدليل في ثورة العمران
> قادها جمال
> ولكنه لم يطلق على الاستاد قلعة الوالي
> ولم يطلق عليه لؤلؤة فداسي
> ولكنه علق على الاستاد بعد ثورة العمران لافتة مشرفة
> القلعة الحمراء
> وحتى عندما أراد تمجيد الأشخاص
> أطلق على الطابق الجديد طابق شاخور
> والاهم من ذلك ماعمل ليهو بلكونة وقعد فيها براهو زي سواق البنطون الفوق تأسيسا على مقولة الفول فولي
> ايها الناس
> الهلالاب ديل ماعارف قصتهم مع الفول
> فهيثم مصطفى ايام كان في مناطق الشدة قبل يلعب ضد بايرن ميونخ
> حدثنا عن صحن الفول
> ثم جاء كردنة مردداً الفول فولي
> قال نادي الحركة الوطنية قال
> وفي احتفال الممتاز الغناء كلو الكاردينال
> الكلام كلو الكاردينال
> فسألنا
> هذا احتفال الكاردينال اين احتفال الهلال يابتوع الحركة الوطنية
> ايها الناس
> زي ديل مابغلبونا لو اصرينا نغلبهم
> نحن امة وهم فرد
> لاحظ للافتات استقبال البعثتين بالمطار بالامارات
> لافتة حمراء تتحدث عن كيان
> وأخرى(زرقاء) تتحدث عن انسان
> انهم جميعهم فرد
> ونحن امة تعشق الحرية والانعتاق
> نادينا فاتح ومافيهو فراولة
> وبي هناك الفرد قفل النادي بي فراولتو
> زي ديل حرام يغلبونا
> ونحن الاحق بالنصر الكبير
> كلمة جوية بالنسبة لينا مفهومة
> وبالنسبة ليهم لغة صينية بقول فيها زول بتمتم كمان
> قابلكم صيني تمتام؟
> كان قابلكم واتكلم بي تمتمتو دي
> ده حال الزناطير لما يسمعوا كلمة جوية
> يبقي بطلوا انكسار وحيوا الشعار ولينا باذن الله الانتصار بالذات مع تقنية الغار
> ايها الناس
> الاستاذ السر قدور عندو نكتة لذيذة حكاها هو زاتو
> قال زمااااان ايام الانجليز مشي يتصور
> بتاع الاستوديو خواجة
> السر قدور قال ليهو داير لي صورة سمحة
> الخواجة قال ليهو اقعد هنا يجي زول سمح نصورو ونديك الصورة
> دحين يا محمد عبد الماجد كان دايرين جوية اقعدوا هنا نصورها ونديكم الصورة
> ايها الناس
> ان تنصروا الله ينصركم
> اها
> نجي لي شمارات والي الخرتوم
> كان شفت ياوالينا
> تشكيل الحكومة الجديد عرضوهو علينا
> معانا واحد بتاع كتشينة يا والينا
> قال كلو مرة يوزعوها تتدكة يشكوها ويوزعوها تاني لينا
> ان شاء الله المرة دي ماتتدكة ياوالينا
> قعدنا كتير والحريق صعب راجيين دورنا يجينا

سلك كهربا
ننساك كيف والكلب قال بتتدكة كتير كدة بتكون ناقصة... شوفوا كتشينتكم دي ناقصة شنو...الجواكر غايتو تامااااات
والي لقاء
سلك
،

بواسطة : بابكر سلك
 0  0  588
التعليقات ( 0 )

جديد الأخبار

أسامة ونسي يفاجئ الجميع ويعلن ترشحه لمنصب رئاسة اتحاد الخرطوم في خطوة..

جديد المقالات

بواسطة : عبدالله علقم

Abdullahi Algam (كلام عابر) لا كرار ولا غير كرار....


*حصريا مريخاب للابد* *تخطينا مرحلة الجهل إلى...


بواسطة : الفاتح جبرا

تناقلت وسائل الإعلام وبخاصة وسائط التواصل...


بواسطة : امير عوض

نبض الصفوة امير عوض كأس الكؤوس و قرعة...


حائط صد ارضاً سلاح *ها هي الايام تأخذنا رويداً...


‏كبد الحقيقة د مزمل ابو القاسم اتحاد...


أبابيل الصادق عبدالوهاب شداد السادس عشر...


بواسطة : مـــقــالات

صيحة/موسى مصطفى ركزوا في لقاء الاتحاد !! هناك...


بواسطة : امير عوض

نبض الصفوة امير عوض مشاركات الزعيم...


ابو علي رحيق رياضي :: لجنة الإنضباط لن تعاقب...


القوالب التكميلية للمقالات

جميع الأوقات بتوقيت جرينتش +3 ساعات. الوقت الآن هو 02:45 صباحًا الإثنين 19 نوفمبر 2018.