• ×

10:55 مساءً , الأربعاء 22 مايو 2019

نموذج مستعمرة : النوع قائمة

نموذج مستعمرة : النوع قالب فيديو

قائمة

ترنا ياترنه

زيادة حجم الخط مسح إنقاص حجم الخط
في السلك
بابكر سلك
ترنا ياترنه

*خاص بصفحه ايداهور سبورت
*بالامس كانت فرصتنا لتخطي مرحلة التمهيدي اللعينة
*تلك المحطة التي كانت في احايين كثيرة تمثل لنا دوما اول محطة وآخر محطة في نفس الوقت
*الاندية العملية تعمل بعلمية لتخطي هذه المراحل الاولية
*وتدرس امرها جيدا والاسباب التي تجعل منها آخر المحطات
*وتخطط لكيفية تجاوزها عن طريق اعطائها حقها الكامل من الاعداد الجيد قبل الخوض فيها
*وكيفية الاداء فيها بحرفية عالية واحترافية عاقلة
*فالحظ دوما لايخدمنا في القرعه
*ماحصل القرعة جابت لينا فريق بلعب الكورنر ارضية في الآوت
*خاص بصفحه ايداهور سبورت
*معلق مباراة الهلال وكشافة زنزبار(لانو ماممكن جيش يكون بالمستوي ده)
*ذكر ذلك المعلق ان فريق الجيش علي ارضه لاحول له ولاقوة
*وهكذا هو حال الاخوة الذين يخدمهم الحظ دوما بدءا من القرعة
*والله لو شارك برشلونة في تمهيدي افريقيا
*ووقفوا المريخ بي جاي
*وختوا تلاته وستين ورقة مكتوب عليها اسماء الفرق المشاركة
*وقالوا للمريخ شيل ليك ورقة
*علي اليمين المريخ يشيل الورقة الفيها برشلونه
*ولو خرخرنا
*وجدعنا ورقة برشلونة بعيد
*وادونا فرصة لاختيار ورقة تانية من الاتنين وستين ورقة الفضلن ومافيهن برشلونة
* خاص بصفحه ايداهور سبورت
*علي اليمين المريخ تاني يختار ورقة مكتوب عليها برشلونة
*ولو فتحنا الواحد وستين ورقه الفضلن ورقة ورقة
*لوجدنا واحد وستين برشلونة
*ده حظ شنو ده يا اخوانا
*وناس يقع ليهم جيش زنزبار والحكم جنوب سوداني
*وخليك سوداني
*لذا
*حقو مانترك شئ للحظ
*الحظ الفيهو اتعرفت
*المهم
*ترنه شغال حداد
*امس عندو تسليم ابواب وشبابيك
*والزمن ضايق والكورة بدت والكشكوش فارض نفسو
*لذا ترك متابعة المباراة وبقي شغال
*كلو خمسة دقائق يجي يسأل ابكر الراقد ومشغل راديو التلفون وبسمع
*ترنه: الودي كيف ياابكر؟تمنا
*ابكر: ماشين كويس ياترنة وهكاية نتأهل دي اقرب من نتير ياترنه
*وناس في صفوف الصراف الآلي ترفس مع اي انفعال لمعلق المباراة
*في المخبز الوضع يشابه وضع الصراف الآلي
*واحد شات الرغيفة الوقعت منو لما المعلق قال قون
*نفضها وشالها تاني
*اما الحال في صف الجاز فكان غير
*لا التنكر جا
*خاص بصفحه ايداهور سبورت
*لا الدرون جا
*لا الصف اتحرك
*ولا المريخ بارح محطة التمهيدي
*شكرا جميلا مريخاب الجنوب
*ماقصرتوا تب
*لكن قصر الزمن
*نحنا من الجنوب يجينا جمهور
*وناس من الجنوب يجيهم حكم
*المهم
*ابكر قفل الاذاعة ومشي علي ترنه
*ابكر: ترنا يا ترنه
*ترنه: اسلو ما مأقول
*وترنه ينقنق: انقنقنق علي اسد
*ابكر ينقنق:انقنقنق قوريس وسمش الدين ظاتو
*وجاهم آدم برضك ينقنق:انقنقنق انتوا.....متين بس؟
*وهنا تكمن علة المريخ الاساسية
*اذا ترجمنا النقة الفوق كلها والنقاط وسط كلام آدم
*سندرك تماما اننا علة المريخ واننا عالة علية
*ويسأل ابكر:البتولة العربية كيف ياترنة؟؟؟؟؟
*مبروك للهلال وهنيئا له بحظه الجميل
*والغريق قريب ماقدام يامحمد عبدالماجد
*ابدأوا المحاولة رقم واحد وتسعين من اسي
*فمع الافريقي التونسي ده
*خاص بصفحه ايداهور سبورت
*سيكون الرد الآلي
*محاولتك لاتتم حسب الطريقة التي اتبعتها اعد المحاولة من جديد
*المهم
*اهلي شندي فوق عديلو
*لحق امات طه
*ولكنها ضربات الحظ
*البلد دي حظها كلو شايلنوا الكيشة
*واريتم كان بجيبوا نفاع
*لكن نحنا حظنا
*كان وقفنا في صف الصراف يقطع فينا
*وكان ماقطع فينا الشبكة في دورنا تطش لينا
*ولو الشبكة في دورنا ماطشت لينا
*يخمش بطاقتنا ويابي يدينا
*حظنا حيرنا
*حظ محتاج مشوار مايرنو
*الناس جابت مايرنو في قاردن سيتي ياعلي اسد
*وانت تلاوي في عبدالصمد
*خلونا علي قلب رجل واحد ان بقي في جوفنا قلب
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*ورينا
*تاني شنو الفضل لينا
*ماتسكت وتعاين لينا
*ولا تفكها فينا
*وتشبكنا نحسب ان
وشدة وتزول
وجنس الكلام المسخ لينا
*رد ياوالينا

سلك كهربا
ننساك كيف والكلب قال لياقة نهز بينا ضنبنا علامة رضا نفاق ساي مافضلت لينا
والي لقاء
سلك

بواسطة : بابكر سلك
 0  0  482
التعليقات ( 0 )

جديد الأخبار

الانتباهة تعثر مفاوضات”السيادي” صديق يوسف: أقصى تنازل رئاسة دورية للمجلس و”6″..

جديد المقالات

بواسطة : الفاتح جبرا

بقلم مولانا : سيف الدولة حمدنا الله كتب :...


بواسطة : الفاتح جبرا

في هذا الجو العام الممتلئ بكل المتناقضات من خوف...


بواسطة : الفاتح جبرا

قيل أن مقولة (كلمة حق يراد بها باطل) تُنسَبُ...


بواسطة : الفاتح جبرا

بداية هذا المقال لابد لها أن تكون ترحماً على...


بواسطة : الفاتح جبرا

لأننا لا نعرف (اللف والدوران) والدغمسة (على قول...


بواسطة : الفاتح جبرا

إنتشر في وسائط الإتصال الإجتماعية مؤخراً خبر...


بواسطة : الفاتح جبرا

ما لا أفهمه (وما داخل راسي) هو (لماذا يتفاوض...


بواسطة : الفاتح جبرا

في أحد مقاطع الفيديو التي إنتشرت مؤخراً على...


بواسطة : زهير السراج

* كلما حاول البعض أن يدفع بالجهود الرامية الى...


بواسطة : بابكر سلك

*ياحليل رمضان *مافضل فوقو شئ *الاتنين الجاي ده...


القوالب التكميلية للمقالات

جميع الأوقات بتوقيت جرينتش +3 ساعات. الوقت الآن هو 10:55 مساءً الأربعاء 22 مايو 2019.