• ×

05:18 صباحًا , الأربعاء 19 يونيو 2019

نموذج مستعمرة : النوع قائمة

نموذج مستعمرة : النوع قالب فيديو

قائمة

ياعقد الجواهر

زيادة حجم الخط مسح إنقاص حجم الخط
في السلك : بابكر سلك : *ياعقد الجواهر *
#في السلك
بابكر سلك
ياعقد الجواهر

*يطيب للبعض ان يطلق عليه ميدو
*ويسميه عشاق المغارس بالزجاجي
*ويلقبه البعض بالماسي
*ويحلو لبعضنا ان يطلق عليه القولدن بوي
*ولكنه بالامس نال لقب عقد الجواهر
*كل الجواهر
*والاحجار الكريمة كمان
*ياقوت
*زمرد
*الماظ
*وجواهر
*وماس
*لؤلؤ
*قولد
*وكلهن
*الود ده عقد الجواهر الضواي وباهر زااااتو
*يخت محنك يافطومة
*ده من زمان داسنو مننا وين؟؟.
*غايتو ياكردنة بندعي ليك مع كل هدف يجيبو عقد الجواهر

https://m.facebook.com/story.php?sto...94375497269310

*نعم في ناس بتدعي عليك
*لكن نحنا
*صدقني *بندعي ليك
*انت
*وفطومة
*وروشا
*الله يسألكم
*زول يفرط في عقد الجواهر
*ويجيب امبومبو؟؟
*مجنون مابعملها
*لكن العندو القروش
*بنقش حنتو النقشه البتريحو
*ونقشتكم شينة
*نقشه امبومبو دي زي العافصين ليكم زيت راجع
*اللهم احفظ عقد الجواهر
*وكل الجواهر
*لانو الاولاد امس كلهم كانوا جواهر
*والصائغ الزولفاني ابدع في رص الجواهر واختياراتها
*فلمعت الجواهر
*لتضئ عروس الرمال وسط شفوت الابيض الذين احتلوا الاستاد وقالوا لهارون نحن هنا
*وفي فريق واحد لن يستطع احد ان يختصرنا
*شكرا شفوت الابيض
*وما بتتوصوا
*المهم
*نرجع لعقد الجواهر
*ياخ انت لاعب ولا قناص
*من ستين الف متر
*لاحيطة توقفها
*لاحساده تقلوزها
*لا زميل اشتر تدق فيهو
*طاخ
*آخ
*اللهم احفظ عقد الجواهر
*وعلي اليمين يا قريش واسد
*تفرطوا في عقد الجواهر
*الا تشوفوا ليكم لوتري يمرقكم
*او لوري يطفشكم
*وماعندكم فرصة تلموا عفشكم
*اوعكم
*شايفين اصبعي ده!
*قال امبومبو قال
*غايتو كان زينتكم امبومبو ده
*وا شناتكم يافطومة يا ختي
*نتجدع نحنا بي عقد الجواهر ده
*نسل اعناقنا طول اعناق الزراف
*بي حقنا
*لكن انتوا بي امبومبو ده
*التزموا الشرع وغطوا النحور
*ايها الناس
*في هنات تحكيمية امس تحير
*بالذات من حاملي الرايات
*في الشوط الاول غابت الراية عند تسلل مهاجم التبلدي الواضح جدا
*ولكن الذمة بانت
*وفي نفس الشوط
*ظهرت الراية مرفرفه معلنة عن تسلل عقد الجواهر
*حاله قاطعاها الراية من راسها الشين ده
*لدرجة جعلت الزولفاني يضع يده اليمين علي كوعه الشمال
*ويضع كف يدو الشمال علي خدو
*قرب يقول
*اجي يا البرقش!!!!
*ايها الناس
*زولفا كان جيدا الا لمن ابي
*من ابي ياقال الحاصل حظ
*يا قال مجهود لاعبين
*لانو من ابي ده بتعامل مع زولفا بي احب واكره
*مابتعامل معاهو بتحليل وفق معطيات
*والاولاد كذلك كانوا جيدين
*ادوهم خاطركم
*ايها الناس
*لست طبيبا مختصا في علاج اصابات الملاعب
*ولكن لي وجهة نظر في علاج الرباعي حسب الثقافة الطبيه المتواضعه لحضراتنا
*ارجو ان يتقبل الناس ذلك الرأي
*ابقوا معنا
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت ياوالينا
*ابواب الصرافات زي ابواب البصات تجدنا امامها متكدسينا
*احمد وآدم وريا وسكينه
*في عشرة سنت واقفين متلصقينا
*وبعد ده نطلع كيت ياوالينا

سلك كهربا
ننساك كيف والكلب قال قدام الصراف ما تسأل عن صف الرجال انحشر ساي كلنا واحد
والي لقاء
سلك

بواسطة : بابكر سلك
 0  0  460
التعليقات ( 0 )

جديد الأخبار

قال تجمع المهنيين السودانيين السبت إنه اختار الإضراب السياسي جبراً لا رغبةً لحسم..

جديد المقالات

للعطر افتضاح * لا علم لنا بهوية القوة المرابطة...


بواسطة : الفاتح جبرا

قلناها (مراراً وتكراراً) منذ البدء أن هذا المجلس...


بواسطة : الفاتح جبرا

بقلم مولانا : سيف الدولة حمدنا الله كتب :...


بواسطة : الفاتح جبرا

في هذا الجو العام الممتلئ بكل المتناقضات من خوف...


بواسطة : الفاتح جبرا

قيل أن مقولة (كلمة حق يراد بها باطل) تُنسَبُ...


بواسطة : الفاتح جبرا

بداية هذا المقال لابد لها أن تكون ترحماً على...


بواسطة : الفاتح جبرا

لأننا لا نعرف (اللف والدوران) والدغمسة (على قول...


بواسطة : الفاتح جبرا

إنتشر في وسائط الإتصال الإجتماعية مؤخراً خبر...


بواسطة : الفاتح جبرا

ما لا أفهمه (وما داخل راسي) هو (لماذا يتفاوض...


بواسطة : الفاتح جبرا

في أحد مقاطع الفيديو التي إنتشرت مؤخراً على...


القوالب التكميلية للمقالات

جميع الأوقات بتوقيت جرينتش +3 ساعات. الوقت الآن هو 05:18 صباحًا الأربعاء 19 يونيو 2019.