• ×

04:31 مساءً , الخميس 18 أبريل 2019

نموذج مستعمرة : النوع قائمة

نموذج مستعمرة : النوع قالب فيديو

قائمة

كوستي دايرة مستشفي ولادة ياروشا

زيادة حجم الخط مسح إنقاص حجم الخط
في السلك ..............بابكر سلك

كوستي دايرة مستشفي ولادة ياروشا

*فتحية بت ام فتحية مواطنة صالحة من بنات ربك
*تنتظر مولودها الاول بفارق الصبر
*امس حانت ساعة الحلم
*ام فتحية بحكم خبراتها ايقنت بان الوجع وجع ولادة
*جهزت شنطة الطفل المنتظر
*ماخلت شئ
*البامبرز الغالي ده جابتو
*قالوا حايسموا الولد علي المرحوم ابو فتحية
*حايسموهوا صالح
*صالح ابو فتحية كان عجب الناس
*عشان كدة اختارن للمولود اسم صالح عجب الناس
*وختت ليها البشاكير
*ومن فرحة ام فتحية بالمولود المناظر
*يوم كدة مشت الخرتوم
*في جاكسون وعلي الطبالي
*في يوم رايييق مافيهو كتمة من كتمات جاكسون
*اشترت شبط للمولود اللسة ما اتولد
*اها
*قامت ختت الشبط في الشنطة
*والبيبي اويل
*الاصلي يافطومة
*وكل حاجات البيبي كير
*بدرة الاطفال ماختتها
*بدرة الاطفال موضة قديمة بتاعت حفاضات وكده
*لكن مع البامبرز السعودي القطعتوا بي عشرين الف ده
*التقول قطعة ارض ده
*بدرة الاطفال مابتنفع
*السودو كريم يافطومة هو البشتغل صاح
*المهم
*جابن التاكسي الماخمج
*وركبن خاتات شنطة الطفل وسطن
*اتحرك التاكسي
*ام فتحية مدة راسها مخاطبة الشفع
*ياجنون اقعدوا بي ادب لامن نرجع
*تسكتوا بس
*التاكسي وصل تقاطع كوستي
*سواق التاكسي سأل
*ماشات وين
*الحاجة ام فتحية بفرح قالت
*فتحية بتي دي بكرية ومواعيدها جات
*ودنا مستشفي كوستي بتاع الولادة
*بتاع التاكسي لف علي الخرطوم
*ام فتحية قالت ليهو ماشي وين ياراجل
*سواق التاكسي قال ليها
*هي كوستي لو فيها مستشفي ولادة الهلال كان اتغلب فيها
https://www.facebook.com/merikhimoot/
*وواصل
*وليدكن حاتسمنو منو؟
*نطت فتحية وقالت
*حانسميهو علي جدو
*صالح
*بتاع التاكسي قال
*كان كدي الخرطوم بس
*اقفلن القزاز ده
*روشا
*كوستي تحتاج لمستشفي ولادة عاجل
*دي حالتها بي اب شنب
*يعني لو كانت بدون شنب
*كان حرقنو ناس افول وكنو
*بالطريقة دي ياروشا
*ماتمشوا زامبيا
*الفريق حقهم من اسمو صعب شديد
*المهم
*تمضي مبادرة الجار بما تشتهي السفن
*لذا استغربت جدا لمن سمعت كلام الاخ شمس الدين الامين عن المبادرة
*وكيف انها وقفت
*وكيف أن المهندس النوش قال ليهو خلاص وقفنا
*اتحيرت لاني لما سمعت الكلام ده
*كنت قاعد في الاستاد
*ومن حولي الحديد الجديد والاسمنت والشباب ويجري العمل علي السقالة
*الجميع يقف علي السقالة بحرفية واحترافية وشباب
*ناس زي النمل
*طالعين نازلين من السقالة بمنتهي الرشاقة
*حقو ياشمس يا اخوي تراجع باشمهندس النوش عشان تمسح حيرة الناس البعيدين السمعوا الكلام
*لانو نوش بتاع العشا عارف حجم المبادرة ومتابع قصة الشغل الماشي
*خليهو نوش المهندس المشرف ميدانيا ووجدانيا علي ارض الواقع
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*ان كان عيب قانون النظام العام في تطبيقو
*خلوا القانون ونزلوا تطبيق تاني
*اجود بس
سلك كهربا
ننساك كيف والكلب قال زمااان قالوا ليكم ناس ابو لهب رفضوا يتسوروا بيوت الناس قلتوا ماحصل
والي لقاء
سلك

بواسطة : بابكر سلك
 0  0  460
التعليقات ( 0 )

جديد المقالات

بواسطة : مـــقــالات

المووج الازرق معتصم محمود فوضى اداريه ...


#مأمون أبو شيبة ورطة الاتحاد العام * تفاجأ...


بواسطة : زهير السراج

* المتابع للإذاعة والتلفزيون يستحيل أن يصدق أن...


بواسطة : مـــقــالات

*القراية ام دق محمد عبدالماجد* *الكوز حرق م...


لم تسقط بالكامل! د. مزمل أبو القاسم للعطر...


بواسطة : الفاتح جبرا

من الواضح ومن مجريات الأحداث التي أمامنا...


دمعة ساخنة على خد الوطن الجريح ، قد لا تصدقون...


بواسطة : الفاتح جبرا

على الرغم من الفرحة العارمة التي اجتاحت جموع...


بواسطة : الفاتح جبرا

أعلن حزب المؤتمر الوطني، رفضه لاستيلاء المجلس...


بواسطة : الفاتح جبرا

بينما كنت أغط في نوم عميق صباح الأمس إذ رن جرس...


القوالب التكميلية للمقالات

جميع الأوقات بتوقيت جرينتش +3 ساعات. الوقت الآن هو 04:31 مساءً الخميس 18 أبريل 2019.