• ×

10:47 صباحًا , الثلاثاء 18 يونيو 2019

نموذج مستعمرة : النوع قائمة

نموذج مستعمرة : النوع قالب فيديو

قائمة

الطيران يساوي القرعة في الزمن

زيادة حجم الخط مسح إنقاص حجم الخط
من هنا وهناك

هيثم صديق

الطيران يساوي القرعة في الزمن

يا نفس السواد المتعة كملتيها

دخين ابقي لزومة وكت القرعة وقعت فيها

(همباتي يحتضر)

ما عارف الزول يخش في الموضوع توش ولَّا يعمل تمهيد

يعني مثلًا يقتطف من كلام كردنة الأول أمس

طبعًا كردنة حديثه مسرحيات

الزول ده بقول شعر قالوا

وهو البقولوا الناس شوية

قال مجلسنا (ما كومبارس)

أنا كنت فاكر البين قوسين دي اسم مدرب للهلال

الهلال المدربين الجابم في زمن كردنة بس اكتر من تلاميذ مدرسة في السودان

اكتر من أولاد ود الشايقي في قصيدة ود بادي

الولية الفنجرية حلاوة نبق
الولية الغجرية ودايرة دق
البطن منفوخة ديمة طبق طبق
يجيها الحول وحول بي زول والزول غول
ومرة تديها الهوادة وترمي زي زولين زيادة
الله اريت الزول يزاول
يا حكم صفر دا فاول

ياخ الكوكي ده دي المرة التالتة يجي

ناس فوزي ما تعد.. النقر مرات يجي لحد الإستاد يتذكر أنه شالوه

الليلة يقطعو حبلي سري بكرة يظهر حبلي سري
العداد ماسكاهو سري
لا تحدثي لا تقري
الا تنشري وتدري
ويله يا دايتنا جري

وكله من ناس فطومة تتعادل يلا ..تتغلب يلا.. تغلب يلا.. في مدرب أعفوه لأنه انتصر… ومدرب جديد

ما كومبارس ممكن يكون اسم مدرب تاني فاتوا ود الشايقي عند ودبادي

وحدين أساميهم عرب واحدين أساميهم عجم
بدا بي محمد ثم زوجات الرسول العشرة
وكل الذين تجمهروا في البيعة تحت الشجرة
طلحة الخير والزبير ثم سعد وسعيد ثم ستة مبايعين
وكمل أسماء الصحابة وكرام التابعين وتابعي التابعين
والنجوم البارزين وأسامي الخالدين ثم عبد ما يشاء من البنين
عبد المقيت عبد المجيد عبد الحسيب عبد الجليل عبد المعين
ثم سمى في الختام عبد مالك الملك ذو الجلال والإكرام
ثم نوع في القوافي وتبحر في تراكيب المضافي
شمس الدين ونجم الدين وقمر الدين وقمر صناعي الدين وسيف الدين وزحل الدين وبحر الدين وعاد لاوين
وآخر الدور بقت الوحدة تفقس في تمنية شهور
ولدو أناتي جوز فوق جوز وولدو ضكور
الراجل تقول مسحور
وما بخليلو مرةً بور
وزرعتو ماب تقع واطة
بعد حولين يزيدو عليهو أهل مالطة

أها عنوان كتابتنا كان شنو… أيوا… فيزئائي رياضي

ولّا أقول ليكم خلوها حصة تانية.

 0  0  286
التعليقات ( 0 )

جديد الأخبار

قال تجمع المهنيين السودانيين السبت إنه اختار الإضراب السياسي جبراً لا رغبةً لحسم..

جديد المقالات

للعطر افتضاح * لا علم لنا بهوية القوة المرابطة...


بواسطة : الفاتح جبرا

قلناها (مراراً وتكراراً) منذ البدء أن هذا المجلس...


بواسطة : الفاتح جبرا

بقلم مولانا : سيف الدولة حمدنا الله كتب :...


بواسطة : الفاتح جبرا

في هذا الجو العام الممتلئ بكل المتناقضات من خوف...


بواسطة : الفاتح جبرا

قيل أن مقولة (كلمة حق يراد بها باطل) تُنسَبُ...


بواسطة : الفاتح جبرا

بداية هذا المقال لابد لها أن تكون ترحماً على...


بواسطة : الفاتح جبرا

لأننا لا نعرف (اللف والدوران) والدغمسة (على قول...


بواسطة : الفاتح جبرا

إنتشر في وسائط الإتصال الإجتماعية مؤخراً خبر...


بواسطة : الفاتح جبرا

ما لا أفهمه (وما داخل راسي) هو (لماذا يتفاوض...


بواسطة : الفاتح جبرا

في أحد مقاطع الفيديو التي إنتشرت مؤخراً على...


القوالب التكميلية للمقالات

جميع الأوقات بتوقيت جرينتش +3 ساعات. الوقت الآن هو 10:47 صباحًا الثلاثاء 18 يونيو 2019.