• ×

07:07 مساءً , الأحد 18 أغسطس 2019

نموذج مستعمرة : النوع قائمة

نموذج مستعمرة : النوع قالب فيديو

قائمة

أخلاق الثورة

زيادة حجم الخط مسح إنقاص حجم الخط
مريخابي كسلاوي ....
في السلك

بابكرسلك
أخلاق الثورة


> أيها الناس
> شعار الثورة حرية سلام وعدالة
> والعدالة تعني إعادة الحق المسلوب لصاحبه
> وتعني أن ثمن الدم هو الدم بصرف النظر عن السعر الموازي للعملات سواء أكانت الموجودة حبساً بالبنوك من أصحابها
> أو المقبوضة دهشة مع رموز النظام البائد بعد السقوط
> وتعني كذلك حقوق الذين تمت إبادتهم وانتهكت حرماتهم وعانوا من ويلات الاغتصاب الشامل
> اغتصاب الأرض والعرض والشرف
> والعدالة كذلك تعني إعادة مال الوطن والتحقيق في الكباري التي صنعها نافذون في تكلفة كل مشروع يخص الوطن
> نافذون عملوا كباري صينيين ما بعملوها
> والغريبة الفار حسب قولهم اكل احد كباريهم
> والعدالة تعني سرعة الانجاز في الاقتصاص واعادة الحقوق المسلوبة
> والعدالة تعني المساواة
> والمساواة معنى كبير وعميق لا تعرفه الدولة العميقة ولا تعترف به
> لكن هذه الدولة العميقة لو بقت بئر
> حقو تقتنع بانو القصاص من القتلة امر رباني ثابت ووارد في القرآن الكريم
> وان الدم بالدم هو شعار الشباب
> وان ارواح الشهداء ما زالت ترفرف على سارية الوطن تراقب الثورة وترقب موقف المجلس العسكري
> يا مجلسنا العسكري
> ما تلخمونا باخبار السرقات لتشغلونا عن القصاص
> الشعب عندما هتف يا حرامية
> كان عارف السرقات
> خلونا في الاهم
> حق الشهداء
> ناس هزاع ظ¢ظ ظ،ظ£ ومآب ظ¢ظ ظ،ظ© وما بينهما
> حق الناس الخرج ولم يعد
> ولن يعد
> لان معدودته كملت بالتعذيب في معتقل او اصيب في مقتل
> حفر المطامير ضرورة
> فالمدفون بها كثير من خير هذا الشعب
> ايها المجلس العسكري
> تسمعني؟
> من اربعة واحد للعموم واضح؟
> حول
> الثوار ديل صابنها عارف دايرين شنو؟
> دايرين عقاب القتلة
> دايرين ابعاد الجماعة الكانوا سبب المرقة
> دايرين حق الوطن المسلوب
> دايرين حكم مدني ما يشارك فيهو زول سارق
> دايرين موقف واضح
> واضح؟
> طيب حول
> ايها الناس
> ماننشغل بالقروش لانها بترجع
> ننشغل بارواح الشهداء الما بترجع
> عشان ام الشهيد تبطل تتوجع
> المهم
> قالوا فكوا اللمبي
> قالوا فكوا حميدة
> قالوا فكوا بتاع البرلمان وفكوا الامين العام
> قالوا فكوا بتاع السدود
> فكوا...فكوا.....فكوا
> الحكومة دي ام الشعب ولا ام فكوا ؟
> وقالوا ما قبضوا المتعافي
> ولا قبضوا المتصافي
> ولا قبضوا اللسرقة ما بجافي
> طيب الجوة منو؟؟؟
> اقول ليكم
> قبضت ما قبضت
> صابنها
> فكت ما فكت صابنها
> ضحيتنا هنا ضابحنها
> ايها الناس
> الثورة هي تغيير سياسي اجتماعي كبير
> الشعب يصنعها ويرعاها
> وللتغيير الاجتماعي اخلاق نتخلق بها سلوكاً يتماشى مع ادب الثورة
> ثورتنا مستمرة
> واخلاق الثورة بميدان الاعتصام نريدها في الشارع العام
> الناس الفارشة في جاكسون وسوق بحري وسوق ليبيا وقافلين الطريق العام
> دي ما فوضى
> دي ثورة
> ننظم بها انفسنا
> لا بنحتاج لبتاع بلدية ولا بتاع محلية ولا شرطة شعبية
> برانا نحس ونشعر
> نفسح الطريق احتراماً للآخر وللطريق وللثورة
> نوسعها على الناس مانضيقها
> ننظم انفسنا برانا
> ونلملم نفاياتنا ومخلفاتنا برانا
> نمارس اخلاق الثورة في البيت في الشارع في المسرح
> حتى يكتمل نجاح ثورتنا
> حتى لا تفشل
> الموظف المرتشي
> داك عهد ولى
> سألتك بالله ما ترتشي
> خلي اخلاقك ثورجية
> الناس الكانت بتجاهر وتفخر بانتمائها للحقبة الفاتت
> واسي نكرتو حطب
> بل ونطت في بص الثورة
> والناس الكانت بتسيئ الثورة والشعب
> واسي بتمدح في الشعب والثورة
> مرحب بيكم في الثورة
> لكن موقوفين اربعة سنين
> دي مرحلة صناع الثورة الاصليين
> ايها الناس
> الثورة اخلاق
> والثورجي بتعرف من اخلاقو
> ايها الناس
> البعض يحدثنا عن تفريطنا في عهد شرع الله
> ونسألهم
> عهد قتل وسرقة وكذب أين موقع الشريعة منه؟؟؟
> ايها الناس
> الناس دي حايمة
> وقاعدين في وظائفهم
> ويحتكمون على اموال الشعب التي في طرفة بقت بطرفهم
> دي ثورة ولا كانت معانا الكاميرا الخفية يا برهانا؟
> المهم
> كورتنا كانت بايخة جنس بوخة
> وكورة ابو الهل كانت بيض
> وبايخة بوخة المرقة من الكونفدرالية
> وجابت ليها استقالة كمان
> ارجع يا فرجاني
> ايها الناس
> ان تنصروا الله ينصركم
> اها نجي لي الشمارات
> يامجلسنا العسكري الفنجري
> بشة حاتفكوهوا متين شان نبدأ الجري


سلك كهربا
ننساك كيف والكلب قال كان كدي من اسي ابدوا الجري كان بحلكم
والى لقاء
سلك

بواسطة : بابكر سلك
 0  0  407
التعليقات ( 0 )

جديد الأخبار

إبراهومة: المريخ تعرض لظلم فادح من الحكم المصري وصف مدرب نادي المريخ السوداني..

جديد المقالات

بواسطة : مـــقــالات

*رأي مشاتر* صلاح سمعريت* *ليس بالامكان افضل...


بواسطة : مـــقــالات

المفقودين .. جرح لم يندمل !! سيف الدولة...


بواسطة : ود الشريف

دبابيس ******** ودالشريف ********* ** المريخ يلعب...


حروف ذهبية د. بابكر مهدي الشريف ثقتنا فيك...


بواسطة : ناصر بابكر

خارطة الطريق ناصر بابكر سلاح فتاك في يد المريخ...


بواسطة : مـــقــالات

*القراية ام دق* *محمد عبد الماجد* *بكائيات...


مأمون أبو شيبة ذئب في الاتحاد يتلهف إعدام...


بواسطة : حسن حمد

ﻟﻤﻦ ﺗﻘﺮﻉ ﺍﻻﺟﺮﺍﺱ؟ ﺣﺴﻦ ﻣﺤﻤﺪ ﺣﻤﺪ...


بواسطة : مـــقــالات

*دبل كيك* صلاح سمعربت* *قوة وعنوة وحمرة عين*...


بواسطة : حسن حمد

لمن تقرع الاجراس؟ ~~~~~~~~~~~~~~~~ حسن محمد...


القوالب التكميلية للمقالات

جميع الأوقات بتوقيت جرينتش +3 ساعات. الوقت الآن هو 07:07 مساءً الأحد 18 أغسطس 2019.