• ×

02:10 مساءً , الإثنين 21 أكتوبر 2019

نموذج مستعمرة : النوع قائمة

نموذج مستعمرة : النوع قالب فيديو

قائمة

أه... وييين يا

زيادة حجم الخط مسح إنقاص حجم الخط
في السلك

بابكر سلك
أه... وييين يا


..ويييين يا
> يطلقونها تسخر ممن يفكر في عودة الحكم في السودان لذاك الشكل
> فلقد اختار الشباب طريقة حكم السودان من الليلة لي يوم القيامة
> وأه ....ويييين يا
> التعبير اعجبني جداً
> وحرفية ادائه بتلك الاحترافية الساخرة
> تجعل منه خارطة طريق لحكم السودان للابد
> دستور السودان الدائم قادم بعنوان
> أه..وييييين يا
> وده دستور يا اولاد ماما
> دستورنا وننزل علي ايقاعاتو ونطلب
> طلبات
> طلباتكم اوامر
> انا داير رئيس تجيبو صناديق نزيهة
> يجي
> ودق الدق دق ادق
> طلبات
> طلباتكم اوامر
> انا داير خدمة مدنية تحقق كل الطموحات الوطنية
> وداير الناس تضحي عشان تبني وطن
> وداير رقم وطني كلمة سوداني فيهو تكفي ويكون الكلام كمل
> وداير مواطن ينتمي لكل تراب البلد
> ذرة ذرة وشبر شبر
> وداير وطن يستثمر في الانسان
> وداير انسان يرد جميل البلد عليهو
> داير وطن واحد وطن واسع وطن شاسع يشيلنا كلنا مرتاحيييين
> ده كلو بجي طالما دستورنا قادم بعنوان
> أه...وييين يا
> المهم
> تمضي عقارب الساعة نحو موقعة الجزائر
> نترك المنطق ونتمسك بالامنيات كي نتخطى الجزائري
> والاماني ما بقروش
> خلوها تمتد لتشمل تخطينا للوداد كمان
> ولكن في كل الحالات استفاد شعب المريخ من التجربة وادرك ان العضوية هي القوة الضاربة في المريخ
> وانها تملكنا حكم نادينا
> وانها الضامن لكل المجالس القادمة
> فلقد انتهى عهد تدخل الدولة في الشأن الرياضي وفي شؤون النادي
> وجاء عهد حكم الشعب لنادية
> يبقى نتمسك بحقنا الديمقراطي في ادارة نادينا ودعمه
> ونخرج من جيوب الافراد لآفاق المنهجية الارحب التي تقودنا للمثالية
> ايها الاعضاء
> ابقوا كتار
> المهم
> هلالابي قال لي الهلال السنة دي بشيل كاس افريقيا
> قبل ما ارد عليهو
> هلالابي تاني واعي قال ليهو
> أه...وييين يا
> ايها الناس
> القائمون على امر السنية بالمريخ يستحقون ان نرفع لهم القبعات
> فرفاق سنادة حققو خبطات داوية وضموا مواهب اجزم بانها ستقود الفريق الكبير يوماً ما
> سنعود لهذا الموضوع بالتفصيل
> المهم
> لن نبكي على لبن الاعداد المسكوب اهمالاً
> ولكن ندعو المجلس لتلافي القصور ومحاولة قرع الواقفات
> فالجفلن من ايام الاعداد لن يعودن
> والاعتماد على الحظ في تصريف الامور يعد من قبيل الجهل الاداري وسوء التخطيط بل جل التخبط
> ايها الناس
> اذا قلنا اننا نستطيع تخطي الجزائري والمغربي بهذا الحال
> فان المنطق حتما سيردد
> أه...وييين يا
> ولكنا لا نطرق باب المنطق بقدر ما نطرق ابواب الحماسة والامنيات
> ايها الناس
> إن تنصروا الـله ينصركم
> اها
> نجي لي شمارات والي الخرتوم
> والينا
> لو قلت لينا
> الكهربا متوفرة وحاتصلحوها لينا
> الناس حاتضحك لمن تقع وترفع كرعينا
> ومع بعض حانقول
> أه...وييين يا والينا
سلك كهربا

ننساك كيف والكلب قال اليومين دي الموت كلو قناصة ورصاصة عشان كده موت بالكهربا مافي... حليل زمن الكهربا بتكتل
والى لقاء
سلك

بواسطة : بابكر سلك
 0  0  464
التعليقات ( 0 )

جديد الأخبار

بسم الله الرحمن الرحيم (وَلَنَبْلُوَنَّكُمْ بِشَيْءٍ مِنَ الْخَوْفِ..

جديد المقالات

قلم في الساحة مأمون ابوشيبة لحنة لأنقاذ فريق...


بواسطة : امير عوض

*نبض الصفوة* *امير عوض* *النظام اللقيط* لن...


بواسطة : ود الشريف

دبابيس ********** ودالشريف ********** ** والله البلد...


كبد الحقيقة @ د. مزمل ابو القاسم جمعية خيري...


كبد الحقيقه تاريخ عامر بالتجاوزات كتبنا من...


بواسطة : مـــقــالات

لهذا الاسباب المريخ افضل من الهلال يعقوب حاج...


بواسطة : جعفر سليمان

اللعب على الورق جعفـــر سليمـــان...


كبد الحقيقة د. مزمل أبو القاسم ورشة تعديل...


*حروف ذهبية* *د. بابكر مهدي الشريف* *شيخ عبد...


*حائط صد* *محمود الدرديري* *بالمنطق البسيط* *مع...


القوالب التكميلية للمقالات

جميع الأوقات بتوقيت جرينتش +3 ساعات. الوقت الآن هو 02:10 مساءً الإثنين 21 أكتوبر 2019.