• ×

05:04 مساءً , السبت 17 نوفمبر 2018

نموذج مستعمرة : النوع قائمة

نموذج مستعمرة : النوع قالب فيديو

قائمة

توقع لسيناريو نهاية الازمة كتبه الزميل ناصر محي الدين المنسق الاعلامي السابق للاحمر قبل 11 يوم !

زيادة حجم الخط مسح إنقاص حجم الخط
 
عبد المعين النوراني ابوممدوح
.
توقع لسيناريو نهاية الازمة كتبه الزميل ناصر محي الدين المنسق الاعلامي السابق للاحمر قبل 11 يوم !

++++++++++

الأزمة المريخية دي حتتحل كيف ؟؟ السيناريو المتوقع شنو؟؟
طيب نقول سيناريو قد يصدق وفي مؤشرات انه حيمشي وهو سيناريو البيع ... أيوة البيع الواحد ده .. نشرح شوية من الذاكرة يمكن الاسماء تكون ما مظبوطة..

#أمانة_الشباب

طيب نرجع لي وراء شوية في 2004 انتخابات الإتحاد العام و #شداد قرر الترشح مسنوداً بالفتى الذهبي حينها د. معتصم جعفر سرالختم رجل الجزيرة القوي في الوقت داك وفي نفس الوقت أمانة الشباب بفي #لمؤتمر_الوطني الكان بيقودها عبدالقادر محمد زين قررت انه شداد يسقط وجابت الطيب عبدالرحمن مختار مرشح، وحسن عثمان رزق رجل الأمن الشعبي وزير الشباب والرياضة حينها زول شداد وعنده ولاء لي شداد .. صراع شرس تحالف فيه المريخ والهلال مع أمانة الشباب وقررو هزيمة البروف في الصندوق والوضع في غاية الصعوبة حتى يوم الانتخابات قام حسن عثمان رزق لعب لعبة ذكية .. جاب الحليف التاريخي ورفيق درب شداد وذراعه في #المريخ #محمد_الشيخ_مدني رئيساً للجنة الانتخابات وكانت ضربة لمجموعة أمانة الشباب حينها واجاز محمد الشيخ حضور اتحاد الكاملين للجمعية وكان في جدل حول حضوره وكان هو الصوت الكفل للبروف التعادل مع الفريق والفوز في الإعادة ...

الوفاء

قلنا الكلام ده ليه ؟؟ البروف شداد عنده مميزات كتيرة جداً أكبرها الوفاء الشديد لي ناسو .. بيموت معاهم موت ومحمد الشيخ ما بس ناسو بل عنده عليهو فضل كبير لانه وقتها لولا ود الشيخ لكان شداد سقط شر سقطة وانزوى وخلاص فلمو انتهى .. شوف بالله صارع امانة الشباب زمن عبدالقادر محمد زين والطفل المعجزة أسامة عبدالله وجاء اتعاون في زمن طارق حمزة لحدي ما جابوهو رئيس بي شروطهم .. دنيا دوارة..

القريب

أخونا محمد جعفر قريش .. قريب شداد وكان ولي أمره أيام دراسته في إنجلترا وبيحمل ليهو ود كبير جداً وبرضو من ناسو الما ممكن يتخلى عنهم ... دي ورطة مش كده ؟؟ طيب الحيحصل حسي شنو ؟؟ في مؤشرات بتقول انه في صفقة حتتم .. شداد في تنويره إتكلم عن خارطة طريق ودي كانت جملة مهمة جداً .. في نفس اليوم محمد جعفر قريش نائب الرئيس صرح انهم لا يمانعو في إدارة مشتركة مع التسيير .. يبقى الباقي شنو؟؟ دفع الأمور الى ذروة التأزم وبعدها نعود بالبيت الشهير..
إذا إحتربت فسالت دماءها .. تذكرت القربى ففاضت دموعها

#خارطة_الطريق

ويجينا شداد بالحل وخارطة الطريق وتنازلات من الطرفين وإدارة مشتركة 3 او 4 أعضاء من المنتخب يلحقوهم بالتسيير يخلوهم 20 مثلاً وكل الناس مرضيين وأصدقاء شداد مبسوطين والراجل اتستر معاهم الاتنين..
دي سيناريو افتراضي قد لا يحصل .. لكن في تقديري ده الأقرب .. محمد الشيخ ذكي جدا وشداد ذكي جدا فما ممكن علاقة السنوات الطويلة دي تروح سايي

بواسطة : admin
 0  0  291
التعليقات ( 0 )

جديد الأخبار

محسن سيد لا يستبعد منافسة الموردة على اللقب كشف المدير الفني للموردة الخرطوم..

جميع الأوقات بتوقيت جرينتش +3 ساعات. الوقت الآن هو 05:04 مساءً السبت 17 نوفمبر 2018.