• ×

09:24 صباحًا , الأربعاء 17 أكتوبر 2018

نموذج مستعمرة : النوع قائمة

نموذج مستعمرة : النوع قالب فيديو

قائمة

ولا إستحياء الكاردينال يبحث مع شيخ مايرنو القضايا ذات الإهتمام المشترك

زيادة حجم الخط مسح إنقاص حجم الخط
 
عاطف مبارك

نادو لي الشيخ هلالي فسيخ:
بقلمي عاطف مبارك
أخبار عجيبه وغريبه ونحن نطالعها قبل موقعة ذات الترتره بين الزعيم وهلال البحث عن فضيحه.
بدأت إصابة الصفراب بحمي القلق الهلالي مبكرا بعد ان جمد الاهله ملف فوزي الدمازين وإستبداله بملف كردنة مايرنو خاصة بعد الإرتفاع الملحوظ لحمي بني زرقان وبلغت روحهم الحلقوم قرر الكاردينال تولي ملف الفكي بنفسه فإتجه إلي مايرنو بعد أن فقد شيخ اللمين المقيم خارج السودان.
عنوان كبير بارز يتصدر كل الصحف الهلاليه بلا خجل ولا إستحياء الكاردينال يبحث مع شيخ مايرنو القضايا ذات الإهتمام المشترك.
يابخت مايرنو بيك يختي
جيبي البخور وختي
أجي يا المحشي؟
قضايا ذات إهتمام مشترك والهلال وقع في الشرك
باليمين تيري وياشاش إلا تطيري
بالشمال الغربال ياكردنه ارجل تعال
بي ورا العقرب ياروشا مجرب
مثلت رعب نار ياحبيبي نار
إخلي النوم إفارق الهلالاب فراق الظنطور للبطولات
لم يكتفي الهلالاب عديمي الخجله بالمجاهره بممارسة الدجل والشعوزه علي عيييينك ياتيري وقرنوها بولوله أخري وبكا ونواح ومسك كرعين لشداد ليوقف لهم العقرب خوفا من العضه والغربال الهدفو مضمون في الجيب الوراني.
نادو لي الشيخ هلالي فسيخ
اقرو لي يس لعيبتي زي الطين
ارسل الهلال خطابا للإتحاد طلب فيه إيقاف ثنائي المريخ ثم تلي خطاب الكبكبي إجتماع الجرسومه الكردنابيه مع رئيس إتحاد الكره للتأكيد علي ضرورة تنفيذ ماورد في الخطاب الأزرق.
في زنقه ياخوانا أكتر من كدا؟
لسان حال كردنه يقول
هلالكم مزنوووووق ياخوانا
مايرنو
شداد
حد يعمل حاجه وإيقول أي حاجه بقي
***** أوانطا أنا ولا إيييييه
كدي ياشاشاب كلامي دا كللللو خلوهو وراكم
لالا وراكم في عقرب
خلوهو في خطراطكم
لالالالا الخطر اليمين ترتار والخطر الشمال غربال بيناتن عقرب نعمل ليكم شنو عاد
أفهموها براااااكم
خشمي عندي
احسن من كدا مافيييش
الهلالاب الحيران بدل ماتزعلو من كلامي دا وتنفخو جضومكم مطلوب منكم تفسير عاااااجل توضحو لينا سبب الإجتماع مع شيخ مايرنو وشيخ شداد.
ورونا إمكن نحنا مخطئين
ذكرونا إمكن ناسيين
صححونا إمكن غلطانين
الهلال هذه الايام كالغريق يمسك بزبد البحر أملا في النجاة من الغرق
فأرسل الخطاب للإتحاد طلب فيه إيقاف الثنائي وإذا لم يستجيب الإتحاد لطلب الفسيخ عينك ماتشوف إلا الغبار جري ورحيح إنسحاب علي طول
متعوده دايمااا
#عاطف

بواسطة : admin
 2  0  238
التعليقات ( 2 )

الترتيب بـ
الأحدث
الأقدم
الملائم
  • #1
    08-11-2018 11:37 صباحًا عمر الفاروق :
    فى الهلال كل القوانين الطبيعة لاتعمل الهلال يلعب كعب ويغلب
    فى الهلال كل قوانين الدولة لاتعمل رئيس الهلال مدان وموقوف بالمحكمة ورئيس الهلال قاااعد
    وفى العالم كلو الدجل والشعوذه جريمة دولية يعاقب عليها القانون* وفى الهلال الدجل والشعوذه افتخار وفش*
    الهلال كوكب العظمة
  • #2
    08-11-2018 08:37 مساءً عبد الله :
    عيب عليك وعنصرية منك ده شيخ قبيلة من قبائل السودان ومن التهجم ربطه تلقائيا بالسحر والشعوذة لمجرد أن أرادا هناك يمارسونه*
    • #2 - 1
      08-14-2018 02:14 مساءً عبد الله :
      لمجرد أن أفرادا
    • #2 - 2
      08-21-2018 01:22 مساءً محمود ادريس محمد علي :
      طيب شنو علاقة العمل بين شيخ مايرنو والكاردنال..دي طبعا ما دايرة ليها شرح..ماتحاول تدس خجلتكم.

جديد الأخبار

Amir Khalifa الدكتور /مزمل أبو القاسم. يوسف عبد المنان و عقلية المصالح لو (حارقك)..

جميع الأوقات بتوقيت جرينتش +3 ساعات. الوقت الآن هو 09:24 صباحًا الأربعاء 17 أكتوبر 2018.