• ×

09:52 مساءً , الأحد 23 سبتمبر 2018

نموذج مستعمرة : النوع قائمة

نموذج مستعمرة : النوع قالب فيديو

قائمة

نهضه البركان وبتاع الدكان

زيادة حجم الخط مسح إنقاص حجم الخط
 
زكريا ابراهيم

نهضه البركان
وبتاع الدكان

عندنا ود حلتنا سمين كدا... وبلعب مع الشفع الصغار مع انو كبير... وهو طبعا عشان سمين بخوف الشفع.. جا شافع من الحله التانيه.. ضعيفوني وصغير وما بطلع من حلتهم اول مره يطلع قام لاقاهو السمين دا... قال ليو لو راجل تعال بكره حلتنا وخوفو ليك خويف... قال ليو لو جيت بدقك..
الشافع الضعيف مع انو مابعرف يشاكل بس قال موت موت حياه حياه.. قام جا حلتنا ولاقا الولد السمين واداهو بنيتين السمين طوالي قعد يبكي وجرا لي امو... امو شاكلتو قالت ليو يدقك شافع... الشافع دا اول مره يتاهل لي بطوله افريقيه .. اقصد اول مره يطلع برا الحله .. ويدقك

المهم....
نرجع لي موضوعنا
كان تاجرو ركشه لي عمنا المحترف دا.. الراجل دا ماعندو حيل لي مشوار خط 18
معقوله جايبين محترف بتو في تانيه جامعه
دا مفروض تجيبو ليهو جوكي وتتفقوا معاهو بالمشوار... من خط سته للنص بي ١٥ جنيه ومن النص لي خط 18 بي ٢٠
يباصو ليهو الكوره يقوم بي حركه فنيه كدا يدخله الركشه... عاد هو ما بتاع حركات فنيه ويقول للجوكي خط 18 بالله يقوم ينزل هناك يشوت يجيب قون ويفرح وينطط ويركب ركشتو يرجع
بس الكبر ليهو احكامو.. الخوف ينوم في الركشه يضيع عليكم الهجمه
المهاجم عندكم لاكين ياناس الهلال مرقه من القون
المهاجم دا حقو تجيبو قلم شيني وتكتبو فيهو بي ورا... مهاجم
عشان نعرفو
وبعدين المدافعين ياجماعه
المدافع دا قلنا ليكم تكلموهو
قولو ليو نحنا اللابسين ظهري ما ابيض
وقولو ليهو نحنا شايتين علي كدا
الزول دا طاشي شبكه
قلتو لي نصف النهائي كيف
نصف النهائي يدخلوهو ناس مدربهم بعتمد علي الهوا
يقول ليهم لمن الهوا يبقا معانا بنغلب
يخشوهو ناس بشه
بشه دا مشا الحج...
زكرتوني نكته المرا البتشكر راجله وقام وداها الحج بعد جات بقت مابتشكرو قال ليها مالك بطلتي شكر قالت ليو بري انا بعد حجيت مابكضب

نجي لي شمارات والي الخرطوم
انتو يا والينا
صف العيش عرفناهو
وصف الصراف الالي
بقينا في صف الحته الناشفه من المطره
شكيناكم للا نام لا اكل طعام

ننساك
ننساك والهلال مضروب
هههههههههه

نسخه مقلده

بواسطة : admin
 1  0  255
التعليقات ( 1 )

الترتيب بـ
الأحدث
الأقدم
الملائم
  • #1
    08-21-2018 03:21 مساءً عمر الفاروق :
    هعهعهعهعهعهعهعهعهع والهلال مزعمط مسلخوخ يايابا زى خروفنا المعلق دا كل ما اكل* قطعة لحمة* شيه حلوة اذكر الهلال ما عارف ليه؟؟؟؟

جديد الأخبار

حتي يصبح المريخ فريقا قويا..توصيات للزلفاني..؟؟ الله جابو : منبر مريخاب اونلاين...

القوالب التكميلية للأخبار

جميع الأوقات بتوقيت جرينتش +3 ساعات. الوقت الآن هو 09:52 مساءً الأحد 23 سبتمبر 2018.