• ×

06:39 مساءً , الجمعة 22 فبراير 2019

نموذج مستعمرة : النوع قائمة

نموذج مستعمرة : النوع قالب فيديو

قائمة

تغتصبوا معلم وتغتالوهوا.. ياخ إنتو جايين من وين..

زيادة حجم الخط مسح إنقاص حجم الخط
 
ابكوا بس
Tarig Jipreel
(١)
في واحدة من اجازاتي لاقيت اصحابي بتاعين المدرسة.. كنا ماشين نقعد لينا في أي حتة نتونس ونعيد ذكرياتنا الحلوة.. ماشين بالعربية في شارع المطار أنا لمحت واحد من اساتذتنا واقف في المحطة.. غالطوني قالوا لي اصلو انت زرقاء اليمامة قلت ليهم نرجع لو ما لقيناهو نمشي حتتنا.. لمن رجعنا نزلت انا كنت راكب قدام مشيت لقيته استاذنا الما بيغباني ذااااته سلمت عليه في راسه والاتنين المعاي عملوا نفس الطريقة في السلام.. الناس الكانوا واقفين في المحطة كانوا مستغربين للمنظر دة.. المهم قال منتظر المواصلات يمشي بيته وأولاده حا يكونوا مقلقين عشان عنده سكري.. ركبناه قدام وقلن ليه بتصل اولادك تب يا استاذ.. في نص الطريق وقفنا جمب سوبر ماركيت كبير كدة.. غمزنا لي بعض من غير ما يحس.. نزلنا ملينا الكبوت دوت دقيق وشاي وزيت وأي حاجة استهلاكية ممكن تقعد.. لمن وصلنا لقينا اولاده واقفين في الشارع مقلقين لانه اول ما ركب معانا قفل تليفونه عشان ما يزعجنا.. دخلنا معاه البيت قام قال لي أولاده: انتو قايلين ما عندي أولاد غيركم.. ديل برضو أولادي.. بعد نزلنا الحاجات ودخلناها جوة عيونه رقرقت ودموعه نزلت قمنا تاني بوسنا راسه وقلنا ليه هسي انت موش قلت نحن أولادك.. عملوا لينا شاي ولقيمات وطلعت الونسة أحسن من الحتة الكنا حا نمشي ليها... طبعا شال حالي قال ليهم الشايقي دة كان مشاغب جدا جدا.. ضحكنا وودعناه وبقينا كل مرة نزوره في البيت.. ونجيب ليه الأنسيولين لحدي بيته..
(٢)
واحد من اولاد الدفعة القدامنا طوالي كان في مصحة في الخرطوم بزور في واحد قريبه لمح واحد من اساتذتنا بيتكلم مع ناس الحسابات وبيترجاهم.. خلاهو لمن طلع وجاء سألهم الحاصل شنو.. قالوا ليه عنده ولده عنده عملية والمبلغ المفروض يخته ناقص ومنتظر زول يجيب ليه قروش وولده مفروض يدخل بعد ساعتين لي عملية.. طلع دور تليفونات لي دفعته ودفعتنا.. بعد ساعة كان في منهم قريب خمسين واحد حاولوا انه ما يشوفهم جمعوا الفيها النصيب ودخلوا دفعوا القروش وخته الباقي في ظرف وقالوا للمحاسب ناديه اديه الظرف دة وخلي ولده يدخل العملية بعد تنتهي بنجي.. وقد كان.. طبعا قعد ممحن ما عرف الدفع منه بعد العملية انتهت جوا شايلين أكياس الحلاوة ودخلوا عنده.. لمن شافهم بكى بي صوت مجروح لمن عمته وقعت.. حضنوهوا وباسوا راسه.. في اللحظة دي مرته كانت بتشوف في المنظر دة وبتبكي بي صوت عالي جدا.. طبعا اي زول في المصحة دموعه نزلت..
ديل أساتذتنا ودة إحساسنا تجاهم لي يوم الدين..
...........
تغتصبوا معلم وتغتالوهوا..
ياخ إنتو جايين من وين..
لا والله انتو منو بالضبط...
إنا لله ياخ

....................................

ابوبكر عابدين

تحياتي للجميع وتحية خاصة للاخ طارق جبريل صاحب القصة والموضوع والله أبكى الجميع لانه لايشبه قيمنا ولا تاريخنا واعتى المجرمين في بلادنا لا يمكن ان يتصرفوا بمثل هذا التصرف الشاذ والغريب.. رحم الله الاستاذ الشهيد احمد الخير وكل شهداء الثورة والذين هم اكرم منا جميعا
بواسطة : admin
 0  0  171
التعليقات ( 0 )

جديد الأخبار

من المُتوقّع أن تستدعي لجنة الانضباط بالاتحاد العام لكرة القدم، المدير الفني..

جميع الأوقات بتوقيت جرينتش +3 ساعات. الوقت الآن هو 06:39 مساءً الجمعة 22 فبراير 2019.