• ×

07:54 صباحًا , الخميس 25 أبريل 2019

نموذج مستعمرة : النوع قائمة

نموذج مستعمرة : النوع قالب فيديو

قائمة

باكر ياشفوت .... ندي ياجي

زيادة حجم الخط مسح إنقاص حجم الخط
 باكر ياشفوت ....
ندي ياجي

باكر ياشفوت لازم نكون في الصورة
للكورة الحضور من بدري لينا ضرورة
كورتنا الاهم لازم تكون محضورة
نملاهو المدرج ونشعل المقصورة

سوِي المستحيل الكورة امشي عليها
بدّر في الحضور والنية بيّت بيها
شجع للفريق والهمة ماتخليها
والنجمة ام شموخ اعلن ولائك ليها

باكر ياشفوت ورّو الجماعة الخلعة
جمهورنا العظيم يظهر جميل الطلعة
يندق النجِم تسكن ضلوعن وجعة
اهداف الزعيم تغزو الشباك مجتمعة

يانجومنا الكرام لازم تشدو الهمة
بي غيرة وجهود لينا المراد ينتمة
فكّرو ياشباب في الصفوة ثم النجمة
تيم تونس دحين ماتخلو يصنع هجمة

الخرطوم بلد اكسوها احمر باكر
مادايرين غياب الكــل مشرف وحاضر
يااخوانا النداء لي كل مشجع قادر
احجز مقعدك خليك اصيل ومبادر

لو مريخي جد ليك الزعيم بينادي
مفروض الحضور يوم بكرة مايكون عادي
نخلع ضيفنا تب يبقالو يومو رمادي
مايل للسواد زايعنو فوق الرادي

النجم الخطير قادر عليهو زعيمنا
واللعب النضيف موجود دحين في تيمنا
لازم ننتصر لازم نبّكي خصيمنا
نوصل للنهائي ونستعيدو قديمنا

يانجمة هواي ماشايفة غيرك نجمة
والجات من بعيد باكر تحس بي صدمة
باكر ياشفوت تبقي الجموع منسجمة
والهدف الكبير نوصل نهاية القمة

يوم الجمعة يوم طيب عظيم ومبارك
منصور يازعيم كيتن علي المادارك
ابشر يازعيم وانت الكتار انصارك
بالنصر المؤزر بكرة ﭼت نتبارك

ندي ياجي
 0  0  123
التعليقات ( 0 )

جديد الأخبار

يشهد الموسم الحالي للدوري المصري ظاهرة جديدة بعد ظهور نادي بيراميدز المنافس..

جميع الأوقات بتوقيت جرينتش +3 ساعات. الوقت الآن هو 07:54 صباحًا الخميس 25 أبريل 2019.