المولد بدعة
في السلك بابكر سلك
بسم الله الرحمن الرحيم
*قول قلنا لشفعنا المولد بدعة
*واتخارجنا من كيلو الحلاوة ابو مليون
*واتخارجنا من حصان المولد ابو مليون ونص
*الجمل في المولد حصل قريب تلاتة مليون
*اما العروس
*لو ماجبت اهلك وناسك وبنكك
*علي اليمين مايدوكم
*بقولوا ليكم دايرة تقرأ
*تقرأ وتستبرا
*ده زمن قراية؟؟؟؟
*الطالب يشيل خمسمية الف جنية
*عشان يفطر طعمية
*وباقي الخمسمية يمشي جيوب الكمسارية
*قول قلنا لاولادنا المولد بدعة واتخارجنا
*المدارس كيف؟
*برضو نقول ليهم بدعة؟؟؟
*المدارس هينة
*الرغيف ده برضو بدعة؟؟؟
*اما العلاج
*فمافي مخارجة منو الا نقول لاولادنا العلاج حرام شرعا وشرك
*ضاقت شديد
*وكلما تضيق شديد
*لانملك الا ان نرفع الاكف لله من جديد
*ندعي علي اي فاسد كان له دور في شكل حياتنا الحالي
*اللهم انت عارف كلو شئ
*ونحنا ماعافيين
*المهم
*السيستم فتح
*وماعارفين الحبن ده بقفل متين
*فالاسعار المعلنة حاجة تقرف
*حاجة تخلينا نقول لسة الاندية دي بتدار بعشوائية
*تلك العشوائية هي التي تعبد الطريق للسماسرة والجماجرة
*انه موسمهم طالما كان المشتري غشيم
*ايها الناس
*الاندية الكبيرة العالمية بحق وحقيقة
*هي التي تحدد حوجتها بواسطة الفنيين المختصين
*وهي التي تضع سقفا لاي شئ
*اما المزاودات فهي مجرد حركات سبابه في ملجة خضار
*يوقفوا الدفارات بره ليكشف السوق
*ثم يتحكموا في السعر
*ويكسبون اكتر ممن زرع وقلع ومن سيد الدفار الجاب الخضار زاتو
*وبعد ده
*خضار سبابة الكورة كتير مايتجدع مع اول تسجيلات جديده
*وسبب الجدع قد يكون تكدس في التلاجة
*مثلا تملي كشفك لعيبة وسط نصهم مايضوق مجرد الكنبة
*زي ديل بتدفقوا
*وقد يكون السبب الخضار قديييييم
*خضرة امس مابتبيت تاني عشان تنفرك
*تقوم تنجدع
*وبعد الخم ده كلو
*تنسي الليمون
*ليمونة الا تجي صدفة وسط الخضار
*لما تلقاها تفرح
*تعصرها في الشطة لما الشطة تقول تشششششش
*التش دي بتجي صدفة
*وسط الرجلة الربطة والخضرة البايتة والبامبي المورم التقول قالعو دكتور اسنان
*المهم
*لجنة التطبيع الوفاقية اتشكلت ولا لسة؟
*ولا أاااااااا
*ما اجلوها عشان اجتماع الفيفا
*طيب اجتماع الفيفا قام ولا لسة؟؟؟
*ولا اااااااا
*الشبكة كعبة
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*قالوا دايرين يفتحوا المدارس لينا
*مدارس بالما يا والينا؟؟؟؟
سلك كهربا
ننساك كيف والكلب قال كورونا علاج كل الازمات الطارئ
والي لقاء
سلك
.jpg)
0 التعليقات:
إرسال تعليق
مرحب بكم في مجلة الزعيم الإخبارية