بابكر سلك في السلك حليل ود الزبير موسي

‏

بسم الله الرحمن الرحيم .

بابكر سلك في السلك حليل ود الزبير موسي

حليل ود الزبير موسي

*رحل من بلدنا اجمل زول

*هاشم الزبير موسي

*ود قلبا

*عمدة من حي العمدة

*ابوهو عمدة

*عمدة التجار

*ونسيبو العمدة الوسيلة العكام

*عمدة الكرة واحد اعمدة الرياضة

*ولمن عرف هاشم بالمريخ نزيده

*هاشم ود العز وابن رجل البر الزبير موسي

*مركز صحي الزبير موسي يشهد علي بر الاسرة

*وحكاوي مجالس امدرمان لاتخلو من سيرة عظمة الاسرة العتيقة

*لذا لم استغرب ان يكون هاشم عظيما

*وعظمة هاشم تلحظها في قامة رجل بين اضلعه قلب طفل

*هاشم كان بريئا براءة الاطفال

*لا يعمل وفق استراتيجيات واهداف خبيثه

*فقط يسعي للم الشمل ومعالجة الخلافات والاختلافات

*اذا حزن انسان فان دمعة هاشم تكون سباقة وحاضرة قبل دمعة الزول الحزين

*هاشم عضو مجلس

*يشكل حضورا يوميا بالنادي دون الآخرين

*هاشم ماعضو مجلس

*مابغيب ولا يوم عن النادي

*كان جبارا للخواطر

*يجي علي نفسو لاجل المريخ ولاجل الآخرين

*ولعل شهادة مزمل الاخيرة في قبول هاشم مقترح سحب القائمة التي تقدم بها حتي لايشق الصف

*كانت شهادة للتاريخ لرجل آخر اعماله المريخية كانت عدم شق الصف

*ومن مظاهر عظمة هاشم

*انه لم يضاهيه في سنوات العمل العام سوي بروف علي شمو

*هاشم عمل مع مايو في مجاله الشباب والرياضة

*وكان اتحاد اشتراكي

*وعمل في مركزه ابان الانتقالية

*وواصل في نفس التخصص مع الانقاذ

*كان مؤتمرا وطنيا نافذا ورقما

*ورغم كل ذلك كان متواضعا حد الثمالة

*ولايفارق تربيزة الضمنة بالنادي

*ولايدخل معه حزبه لدار النادي

*ولايحتمي بحزبه في وجه الآخرين

*ولايستغل حزبه ليضر به الناس

*كان يختلف معك فكرا

*ويأتلف معك حبا

*كان مريخيا هواهو

*محبا للجميع

*لذا لم يكن غريبا عليه ذلك الحشد ايام المأتم

*الف رحمة تتنزل عليك حبيبنا هاشم

*وتجدنا علي العهد

*مريخونااااااااا

*لن تفارق مسامعنا مابقيت فينا حياة

*المهم

*توقع الناس يوم الخميس لجنة ابو قبة

*وحتي البعض كان شعاره خميسك ولو تبيع قميصك

*ورقص البعض رقصة هلا بالخميس

*وعندما انتصف الليل

*بدأت اسئلة تطرح نفسها؟؟؟

*هو اجتماع الفيفا مع الاتحاد موضوعو الاساسي كان شنو؟؟؟

*هي الفيفا دي كلموها وقالوا ليها دايرين نعمل لجنة تطبيع ولا دايرين نوفق ساااي؟؟؟

*لأ

*هو الموضوع شنو؟؟؟

*وهل تستطيع الفيفا تعطيل بعض مواد نظامها الاساسي؟؟؟

*هو الطرف التالت منو؟؟؟؟

*وهل مباراة المنتخب ضد غانا كانت السبب؟؟؟؟

*وتواصلت الاسئلة من ليلة الخميس حتي قال الإمام ظهر الجمعة

*قوموا لصلاتكم يرحمكم الله

*ايها الناس

*ان تنصروا الله ينصركم

*اها

*نجي لي شمارات والي الخرتوم

*تعرف يا والينا

*سمعنا تحت تحت وجابوهو لينا

*قالوا اكتشفتوا الخطا في تسعيرة البنزين يا والينا

*لانو مافي بلد في الدنيا بتعدد اسعار بنزينا

*ودي المشكلة الفينا

*العلاج توحيد السعر لينا

*انا بحلها ليكم يا والينا

*بدون ماتخسروا مليما

*اجمعوا السعرين لي بعض يا والينا

*وافرضوا حاصل الجمع سعرا للجالون علينا

سلك كهربا

ننساك كيف والكلب قال ميتين وخمسين زايد خمسمية واربعين تبقي سبعمية وتسعين. ... ماكتيرة علينا

والي لقاء

سلك

المسالمة 1908

نوفمبر 15, 2020