.jpg)
في السلك الأباك اغبش يامريخ
بسم الله الرحمن الرحيم
*ولسسسسة
*مجالس المدينة تتحدث عن عجب وحمو
*وجهة نظرنا قلناها
*من حق اللاعب تأمين مستقبلو في زمن الاحتراف لانو الكورة شغلو واكل عيشو
*لكن كمان النادي زاتو عندو مستقبل مفروض يتأمن
*وتأمين مستقبل النادي ببدأ بحسن ادارة الاموال
*وهو اساس العملية الادارية
*والمال يشمل مال النادي وتبرعات الاقطاب والمريدين زي قروش حازم بتاعت التسجيلات
*لازم توجيهها التوجيه الصحيح وعدم التعامل معها بفكرة جلدا ماجلدك جر فيهو الشوك
*لانو بمجرد ماقرر حازم التبرع بها للمريخ
*تبقي اصبحت اموال المريخ
*وبالتالي لايحق لحازم زاتو التصرف فيها
*ويجب علي المجلس حسن ادارتها
*بعد ذلك يتحقق تأمين مستقبل المريخ(الكروي)بالمحافظة علي المواهب الجيدة والتخلص من فائض العمالة(ان وجد)و استقطاب المواهب التي تفرضها الحوجة الفنية
*الخلاصة ان تأمين مستقبل النادي اهم بكثير من تأمين مستقبل الافراد حتي ولو كانوا من مكونات النادي
*وعلي مجلس الادارة الواعي ان يعي تلك النقاط جيدا وابدا
*وان لايعمل لارضاء الجماهير علي حساب الكيان
*ومن اهم واجبات مجلسنا الحالي ده الحفاظ علي الديمقراطية برغم الحرب التي يشعلها اعداء الديمقراطية
*وعلي المجلس ده ان يتوقع اي شئ
*فقد يجد متعلم اكاديميا ولكنه فاقد ديمقراطي لا يفهم في الديمقراطية شئ ولا يحبها
*يحب ان يقاد بالتعيين كالبهيمة
*زي ديل من واجب المجلس ومجتمع المريخ الواعي الديمقراطي ان يلقنهم الديمقراطية ويبققهم لما يتعودوا عليها ويكرطعوا
*معليش القلم مابزيل بلم
*لكن نرفعهم الي حيث الوعي المجتمعي افضل من النزول اليهم حيث الجهل بالحرية
*المهم
*الفيفا تنتظر تقرير اللواء عامر حسبما اتتنا به الاخبار
*اللواء عامر رجل مريخي لاجدال علي ذلك
*عرفناهو من خلال لجنة ونسي
*ولجنة ونسي تعني تعيين
*وتعيين بذكرنا بتدخلات امانة الشباب في شأننا وخروج الديمقراطية من ديارنا وفضائح خروج الموضوع من يد المفوضية ودخوله في حيازة ايدي اطلقت عليها المفوضية لقب امينة
*وهي لا امينة ولا امانة ولا يحزنون
*عامر اتي ضمن لجنة معينة
*ولكن لانظن انه اتي لانه يؤمن بالتعيين ويتخذه عقيدة
*وترفع الي ان وصل لمنصبه الحالي بالاتحاد السوداني
*بالانتخاب المعين من ديلاك
*الآن الكرة في ملعب عامر ولجنته
*ذلك التقرير الذي سيكشف للملأ ان اللواء عامر رجل ديمقراطي ويحترم القانون ولن يجبرنا علي اطلاق عبارة لم تسقط بعد
*برغم ان الوسط الرياضي يحتاج لتفكيك صاموله صاموله
*بكره بنشوف
*المهم
*الحبيب فاضلابي قال في لقاء تلفزيوني متسائلا عن الوافد الجديد للوسط الرياضي هو مالو؟؟؟
*ولعل سؤال فاضلابي في محلو
*هو مالو؟؟؟؟
*سؤال يكشف عن فطنة صاحبه
*هو مالو
*لانو البشتري صابونة تمنها مية جنيه بمية وعشرة او مية وعشرين
*مافوقها شئ
*لكن لما تشتريها بتلاتة مليون يبقي في ان واخواتها وبنات خالاتها
*لانو كان بتشكك
*بالسرعة دي؟
*في غضون كم؟
*بتشكك في ارتفاع سعر الصابونة المفاجئ لتلاته مليون
*و(كان) بترفع المبتدأ وتنصب الخبر يا فاضلابي يا اخوي
*عكس(ان)
*والجملة واحدة
*اذا داير ترفع المبتدأ خت قبلها(كان)
*واذا داير تنصبو خت قبل الجملة( ان) بدون اخواتها ووقتها مابتحتاج تسأل يا فاضلابي هو مالو
*لكن اقول ليك شئ:،
*هو صحي مالوووووو
*ايها المريخ
*الاباك اغبش ماتتمسح ليهو
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*هو مالوووووو
سلك كهربا
ننساك كيف والكلب قال انا بشمها كتيرة
والي لقاء
سلك
0 التعليقات:
إرسال تعليق
مرحب بكم في مجلة الزعيم الإخبارية