بابكر سلك في السلك : حاضنة ام مرضعة!!!
بسم الله الرحمن الرحيم
*حكومتنا المدنية دي
*حكومتنا الواااحدة دي
*هل هي تعيش في كنف حاضنة سياسية ام تنعم بصدر مرضعة سياسية تقتسم معها الغذاء بادعائها بسقيها ليهو لبن
*هذا السؤال ظل يراودني منذ ان ترجل تجمع المهنيين عن صهوة جواد التعبير عن الثوار
*فنشأت الحاضنة السياسية والتي سرعان ما تغيرت لشخص يطالب بنصيبه في كيكة تم عجنها بدماء الشهداء
*فكان بامكان حال محمد احمد ان يكون افضل مما هو عليه الآن
*وبرغم ان الاصوات التي تعالت اتفقت علي كفاءات تتولي القيادة الانتقالية
*تدرس وتخطط وتنفذ الخطوط العريضة
*الا ان الحاضنة اختارت المشاركة واقتسام المقاعد ضاربة بالكفاءات عرض قبور شهداء الثورة الاماجد
*كل يوم نسمع اختلاف حزبي
*كل يوم نشتم رائحة بارود في الطريق
*بربكم
*اليست الفترة الانتقالية بالنسبة للأحزاب هي فترة اعداد واعادة تكوين وتنظيم وطرح افكارها علي ملايين الشباب الذين لايعرفون يعني شنو حزب؟؟؟
*طيب وروني حزب اقام مجرد ندوة او قدم مجرد دعوة او حتي عبر عن نفسو وافتتح دورا وسط العباد؟؟
*لم يفعلوا ولن يفعلوا
*الامر الذي يعني انها ليست حاضنة بقدرما هي مرضعة للبحصل ده
*ايتها الاحزاب
*غالبية المجتمع شباب لايعرف يعني شنو حزب
*ماتفرطوا فيهم للدرجة التي تدفعهم للكفر بكم
*وانتوا عارفين الشباب لو كفر بطلع في الكفر وبلحس كوعو عااااادي
*المهم
*خلينا من كورونا
*هل بالحاصل ده ممكن المدارس تفتح عادي يا حاضنة؟؟؟؟
*هل يستطيع ولي الامر ان يسدد رسوم ترحيل اتنين طلاب مالا يقل عن خمسين مليون شهريا؟؟؟
*وهل تستطيع المدارس ان توفر كهربا وفطور وموية لطلابها؟؟؟؟
*وهل تستطيع ازمة الوقود ان ترحل الناس بعد فتح المدارس؟؟؟؟
*وهل تستطيع المدارس ان تمارس واجبها في ظل كتاب مدرسي منسي؟؟؟
*غايتو ياحاضنة كورونا هي الحل المنقذ ليك من حرج تأجيل المدارس التاسع عشر
*اها
*رشموند قال
*رشموند ماقال
*خشارم صرح
*خشارم جاي
*تمبش وقع
*كومر رفض
*معدات مافي
*معدات جاية من الامارات
*رمضان فسخ عقدو
*رمضان مافسخ عقدو
*هذا هو حال المريخ اليوم
*ناس تتهم وناس تدافع والموسم بدأ
*في حاضنة في الموضوع ده
*القصة دي غريبة جدا
*ولكن
*جهاز المراحل السنية ينجز في صمت جميل
*الحاضنة عندكم ياسنادة
*بس للاسف مجلس بعرف يستفيد من مواهب المراحل السنية لسة ربنا مافتح علينا بيهو
*نحنا كدة في المريخ
*مابنطبخ
*بنجيب جاهز
*ومرات دلفري
*الدلفري ده بالذات فيهو حق الترحيل برررة
*اللهم أنعم علينا بمجلس بفهم في المراحل السنية ويبقي حاضنة ليها
*بس يجي بالصندوق يا دوق
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*المدارس زمان لما كانت بالتوزيع الجغرافي علينا
*برانا اتفلهمنا ونقرأ بعيد بقينا
*اسي لما الترحيل بقي ملايينا
*راجعين للجغرافي يا والينا
*المدرسة فاتحة علي الشارع
*والشارع فاتح فينا ولينا
سلك كهربا
ننساك كيف والكلب قال بالترحيل وجنونو تاني القراية اون لاين ولا اون كارو
والي لقاء
سلك
0 التعليقات:
إرسال تعليق
مرحب بكم في مجلة الزعيم الإخبارية