في السلك
بابكرسلك
الهلال ما حا يربع يدينو
*لن نهزم الهلال بالأمنيات والتمنيات
*بل بالمسؤولية والرغبة الأكيدة
*لازم الجميع يقوموا بدورهم كامل
*إعداد نفسي (أهم زول)
*إعداد بدني
*تكتيك مناسب
*إنضباط تكتيكي
*نية بيضاء من الجميع تصنع النصر
*فالهلال له نفس الرغبة والدوافع
*ما حا يجينا مربع إييدينو
*حا يشتغل
*وبالذات المرة دي عندو عدة شغل كويسه
*مدرب كويس ومستقر
*بصماتو ظهرت على شكل أداء الهلال
*فأصبح أداء الهلال يقوم على الضغط على الخصم في كل الخطوط وبإجادة
*وتخلص الهلال من مساحة كبيرة من مساحات فقدانه للكرة
*يتناقلون الكرة بدون شفقة للوصول للمرمى
*وإن كانت كثرة التحضير لسه موجودة
*إلا أن سرعة الغربال وياسر مزمل بتعوض الزمن الراح في التحضير
*لذا نخلينا من الثقة بالأمنيات
*ونحترم الهلال والتطور الذي طرأ على أدائه
*كي نهزم الهلال
*غير كده وداعا مجموعات أفريقيا من اللفة التانية
*أيها الناس
*في اليومين الفضلن ديل
*على الجهاز الإداري المرافق
*أن يمتص كل السلبيات
*ويحقق استقرارا نفسيا للجهاز الفني واللاعبين
*وأن يبعد عن الشحن الزائد
*نحن دايرين نغلب الهلال
*والحتة دي ما لعب
*شغل
*شغل دؤوب كمان
*عشان كده نبعد عن الأمنيات بدون عمل
*نبعد عن الاستهتار بالخصم
*ونبعد عن المخالفات حول منطقة الجزاء وداخلها
*فهذا الحكم اشتهر بالبطاقات الحمراء وضربات الجزاء
*إذا عملنا ده كلو ونفذناه تسعين دقيقة
*حا نحتفل بالفوز على الهلال
*وتجوب المسيرات شوارع قاهرتنا
*ويلاقي موكب الدقي موكب ستة وعشرين يوليو بالعتبة قبالة قهوة زهرة الميدان
*أوله بالعتبة وآخره بدار القضاء العالي جمب فندق كارلنتون
*اللهم انصر المريخ
*فنحن في أمس الحاجة لتلك النقاط يا رب العالمين
*أيها الناس
*أتمناها عالية المستوى الفني رفيعة المستوى الأخلاقي من الجانبين
*ده السودان يا أخوانا
*ومهما كان، أنا وأخويا على ابن عمي
*فلا تسمحوا لابن عمي يخش بيني وأخي
*وماتنسوا
*الهلال ما حا يجينا مربع إييدينو
https://www.facebook.com/Ahme9598
*أيها الناس
*إن تنصروا الله ينصركم
*أها
*نجي لي شمارات والي الخرتوم
*والينا المكلف بينا
*طالما مصر بتعتبرنا من مواطنيها
*ممكن نترس في الموسكي يا أخينا
سلك كهربا
ننساك كيف والكلب قال مصر دي جنها وجن التروس والضروس والروس
وإلى لقاء.
#عشاق_احمد_التش
#نادي_الشعب
0 التعليقات:
إرسال تعليق
مرحب بكم في مجلة الزعيم الإخبارية