.jpg)
*في التمنيات*
طيش في المجموعتين "محلي وسفري" ...!
محمد كوراك
* بالروح التي انتظمت لاعبي المريخ عقب فوزهم المستحق على الهلال وجمعهم لاربعة نقاط من مبارايتين بمشيئة الله سيفعلونها اليوم امام نادي القرن في عقر داره وبين جماهيره تماما كما فعلها صنداونز ولا عزاء لي ناس "لعبنا كويس" عيووطة زمانه ...!
* هناك من تعاطف مع ابو عشرين من المريخاب الناسين ومتناسين ان ابوعشرين باع المريخ الذي جعل منه حارسا يشار اليه بالبنان وفي اول لفه سال لعابه من اجل حفنة جنيهات فاختار المال على الجمال ...!
* وابو عشرين لا علاقة له الان بالمريخ لا من قريب ولا من بعيد وناكر الجميل بننكروا الضحى الاعلى والبيبيع الزعيم ما بتقوم ليهو قائمة والغربال عندما جاء للمريخ كان نكره لا يعرفه الا والديه فقام المريخ بصنفرته وتلميعه وتنظيفه وجعله شيئا من لا شيئ ومن القلعة الحمراء خرج لعالم الاعتراف وعند عودته تنكر للزعيم وعاد من حيث أتى فخبأ بريقه وضلت بوصلته الشباك وفقد شهية التهديف التي كان يتمتع بها وهو يلعب باللون الاحمر ...!
* سيف تيري عندما كان بفريق الخرطوم الوطني كانت احلامه وقمة طموحه ان يرتدي شعار المريخ وعندما تحققت امنياته ولمع نجمه في المريخ تم اختياره للمنتخب لكنه ايضا تنكر للزعيم وهرب هروب السارق الخايف من جريمته ولم يتهنى في داره الجديدة واصيب بقطع في الرباط الصليبي وهو يجري عملية الاحماء والان توقف نشاطه بالاصابة وبالعقوبة ...!
* ابو عشرين حرس مرمى المريخ بكل امانة في نهاية الموسم وهذه حقيقة لا ننكرها وتفانى فى الزود عنه لكنه مع بداية الموسم التالي كان يرتدي شعارا آخر بعد ان جعل منه المريخ حارسا له شخصية بين الخشبات ودخل المنتخب من بوابة المريخ الا ان مستواه تراجع بصورة مخيفة واصبح يقبل اهدافا بالخمسات والاربعات في مباراة واحده ولا يوجد اي داعي للتعاطف معه وياريت لو نفعل نظرية الباعك بيعوا بيع الحطب ...!
* ناس "لعبنا كويس" بالامس ارتدوا جلباب كبسور وقدموا شكوى في حارس الاهلي احمد عبد العظيم "تبكوا بس عين قطره وعين مس" ...!
* وانا أعييييط ...!
والعياط لغة عند المصريين هو زرف الدموع "بسبب وبدون سبب" ...!
* وعندما يكون الانسان "كثير العياط" يطلقون عليه لقب "عيوووط" والمؤنث "عيوووطه" ...!
* وناس "لعبنا كويس" ديل فنانين في العياط ...!
* وانا أعييييط ...!
* جات الحزينة تفرح مالقتلهاش مطرح "المصريين استايل" ...!
* ناس "لعبنا كويس" ديل بالامس كانوا لاعبين ما ياتو اهلي ...!
* عشان ما تختلف علينا "الاهالي" ...!
* أهلي الخرطوم آخر روقه وآخر فنون ...!
* والله ناس "لعبنا كويس" ديل يا "معيونين" يا "محسودين" يا "موهومين" يا كمان "منحوسين" ...!
* واقعين في مجموعتين واحده محلية والتانية افريقية والمجموعتين فيهن الاهلي "والاهالي" خشم بيوت ...!
* وفي كل مجموعة "حاتلين" في القاع "عادات وتقاليد" من زمن الاخدود وشغالين بنظرية "الترك عادتو زادت تعاستو" ...!
* وانا أعييييط ...!
* الزعيم لعب اول مبارايتين له بالممتاز بفريق "نص مكنه" وحصد 6 نقاط و6 اهداف وولدنا وشبلنا الجزولي سجل منهم 4 اهداف ...!
* وناس "لعبنا كويس" ديل جايبين اجاجون عشان يجيب ليهم القون قام اجاجون "نفخ ليهم القولون" والزاد الطينه بله "اهداف الصاوي" عملت ليهم في المثانة "حصاوي" ...!
* وانا أعييييط ...!
* ناس "لعبنا كويس" ديل عندهم شعره "ساعة تروح وساعة تيجي" اسماعيل ياسين استايل ...!
* باكر بعود القاش "اقصد" باكر بعود اجون ويحرز الاقوان ...!
* انتو متأكيد انكم مستهدفين الاميرة السمراء أم الاميرة مستهدفاكم لانكم "جوه وبره راقدين دكوه" ...!
* وانا أعييييط ...!
* هلال العرضة شمال ما بيسر البال ...!
* هلال السوباط يكتر من العياط ...!
* آخر سطر .. كبسور كتب الشكوى ...!
.jpeg)
0 التعليقات:
إرسال تعليق
مرحب بكم في مجلة الزعيم الإخبارية