رابطه مشجعي الاسد الجاكومي وينكم
الاسد الهصور البهرش الهلال البعمل الاستاد
ان شاء الله مبسوطين انتو؟
ولسه دي البدايه وحانشوف العجب
بداها بمحاوله تلميع الدعم السريع
والان انتهت سمعة المريخ (الفديو حقيقي) والاتهامات غير حقيقيه... 👋
جميعكم شاهدتم ردود الافعال في كل المواقع الرياضية، المريخ لايملك الا كاس مانديلا وسمعه النادي الطيبه
وبالامس الجاكومي منح كل أعداء المريخ فرصه للاستحقار من النادي
الهلالاب عندهم فضيحة مثبته بتغير الارقام (٢+١٢) ونحن عمرنا ماعندنا تزوير او فساد او شراء حكام ويجيك الجاكومي يقول نحن اتفقنا ونحن عملنا
دايما راينا مابتغير...
والاثر يدل علي المثييير واي زول بحب الجاكومي اكتر من المريخ يراجع نفسو
اي زول بحب حازم اكتر من المريخ يراجع نفسو
اي زول بحب الوالي اكتر من المريخ يراجع نفسو
اي زول بحب سوداكال اكتر من المريخ يراجع نفسو
اي زول بحب اي لاعب اكتر من المريخ يراجع نفسو
لازم نفهم انو المريخ اولا وثانيا وثالثا هو الاهم
واي شي غير كدا عندها زمن وتنتهي لاعب اداري صحفي كلها سنوات ويختفي
ويبقي الاثر الطيب والسمعه والانجازات
وماف زول فوق للانتقاد
واي زول يغلط في حق النادي يجب انو جمهور المريخ (الاكثر وعيا) يتصدي ليهو ويوقفو عن حدوووو
واذا مفتكرين انو الاستاد دا بحل مشاكل المريخ وبجيب البطولات انتو غلطانييين
المريخ قبل عهد المدمر سوداكال عندو ملعب زي النجفه اها بطولاتنا شنوووووو؟
يعني لو بتربط دعمك للجاكومي انو حايعمل الاستاد بيهو او بي غيرو الاستاد حايرجع
لكن الاخطاء الادارية وسمعه المريخ مابترجع
المريخ في محنه حقيقيه والله
عقوبات من الفيفا اذا طلع الحكم لصالح الهلال
تهديد من محكمه كاس
اتحاد متخاذل
مريخاب شغالين حفر ويحرضو الانديه تقدم شكاوي ع النادي
مجلس وجد كل الدعم من الجماهير ولم يحقق شي حتي الان كرويا وكمان جابت ليها فضايح دوليه
الخلاصه
لازم تغيرو طريقه تفكيركم القديييييمه
وانو ماف شخص اهم من اسم المريخ
وبطلو تطبلو للاشخاص علي حساب المريخ وسمعتو لانو حانندم
اخيرا
لم يحدث اي اتفاق بين المريخ والاهلي دي حقيقه مفروض اي مريخابي يحفظا صم
الاهلي مامحتاح ليك الاهلي بطل افريقيا 10 مرات
واي محاوله لحسم الصراع داخل المجلس بواسطه تشويه سمعه المريخ يجب التصدي لها بعنف
وكلامنا دا مامعناه دعوه لللجنه تطبيع...
لانو كل الاشخاص الظاهرين في الساحه
احمد وحاج احمد نفس العقليه الاداريه القديمه
مجلس حازم دا بي عيوبو الكتيره افضل من العوده الي حضن اتحاد اسامه وسيطره سوداكال وبرقو
لازم نحافظ علي سستم الانتخابات والجمعيه العموميه
لانو المريخ مانادي صغير عشان يدار بطريقه جمعيه نسوان الحله
وبالتعيين
عاوزين مجلس جديد... تتسحب الثقه
ويتم انتخاب مجلس جديد
ولكن لا لسيطره الاتحاد ع المريخ
وحسبنا الله ونعم الوكيل في كل متلاعب بسمعه المريخ
⭕اندراوس ايداهور⭕
.jpg)
0 التعليقات:
إرسال تعليق
مرحب بكم في مجلة الزعيم الإخبارية