قبل المطالبه بمدرب اجنبي هنالك سوال مهم جدا هل يمتلك مجلس المريخ "مشروع " ؟

 قبل المطالبه بمدرب اجنبي هنالك سوال مهم جدا هل يمتلك مجلس المريخ "مشروع " ؟

كتب . اندراوس ايداهور

قبل المطالبه بمدرب اجنبي

هنالك سوال مهم جدا

هل يمتلك مجلس المريخ "مشروع " ينوي تطبيقة خلال السنوات القادمة؟

مثلا

عن تحضيرك لتناول وليمه.. تبدا بالاتصال"بالطباخ"

. يا الحبيب عندنا عزومه

ومطلوب منك :

الدوري

الكاس

اعداد فريق ينافس افريقيا وتطوير مستويات اللعيبه خلال ٣ سنوات

محتاج شنو

حايقول ليك جهز البهارات واللحمه والزيت وووو

وحفاظه مويه بارده وماف زول يدخل في شغلي

ومحتاج ولد صغير (للمراسيل)

او

يا طباخ الهنا

عندنا فريق امكانياتو كذا وكذا والمطلوب منك اعداد وجبة تنال رضا الجمهور

علي الاقل تحقيق الدوري 3 مرات والكأس

واعداد فريق للمنافسات الافريقية..

الطباخ حايجي يشوف امكانياتك ويشتغل عليها

ويبدا بعد فتره( ليست بالقليله) يفرض افكارو

ويساهم في نضج الطبخه بمزاااح علي نار هاديه

وطبعا حايحتاج (مكونات اضافية)

دا المشروع

اولا ..وللاسف المجلس لم يتفاوض مع الطباخ

ثانيا ..ولم يجهز كل الامكانيات المطلوبه

ثالثا ..واذا حضر الطباخ سيجد الكثير من اللحمه الفاسده التي جلبت بواسطه السماااسره

والاهم

سيجد طباخ مساعد منظراتي يسرب اخبار الطبخه للجيران

والاسوا

ان اهل العريس لن يتركوه يعمل بهدو

وسيتدخلون في عملة واكيد ماحايجهزوا حفاظه المويه البااارده

حصل لقيتو ليكم طباخ شاتوه بره في نص العرس؟

واذا ماسالت من الطباخ كوييييس

وعرفت (يدو طاعمه وانجازاتو معروفه ومسجلة) بتتعاقد معاهو

اياك تسمع كلام ود عمك... دا اكيد متفق مع الطباخ الفاشل

وقريبك الهجام بتاع الجوطه خليهو يبعد من الصيوان عشان الطبخه تستوي بمزاج

منتظرين طبختكم تنجض كيف؟؟

في حد فاهم حاجه

المسالمة 1908

اندراوس ايداهور

أبريل 14, 2022