الصفوة الشاعر مرسي صالح سراج

الصفوة الشاعر مرسي صالح سراج

كتب : صلاح بني 

الناس بتعرف الشاعر مرسي صالح سراج من خلال الملحمة بتاعت يقظة شعب لمحمد وردي ...لكنه كان ناقد رياضي ومترجم وفنان تشكيلي...والاهم مريخابي اصيل وهذه بعض المداعبات لأصدقائه الهلالاب في شكل أبيات شبه شعرية

....مريخ ما نام

وأقف راجيكم هذا العام

بدفاعو الصخري الما شرام

وهجومو السحري مع الأنغام

يعمل في الموسم حاكم عام

يغلب في الدوري ورا وقدام

عندو اللاعبين اكوام اكوام

فات الاقليم في الخارج حام

ومن لندن جاب لاعب ما خام

وبعد دا يجيب من امستردام

وقف إبراهومة في خط النص

يرتفع التيم ويزيد النص

قدام القون باصاته ترص

ولوممبا يقيف على سنجة ونص

وحياة الكاس.. كل الكاسات

مش واحد كاس

ما عندنا تيم لفقيراً كاس

والكابتن عبد الماجد حاس

هتف الجهمور وانبسطوا الناس

تتكلم أجيب ليك ود عباس

زولاً معروف وشديد الباس

جوهو الجاريين قلبن جلاس

قفل السكة وكتم الانفاس

يا ود عباس

ديل الكالون وإنت الترباس

.....له الرحمة والمغفرة فقد كان شاعر فذ ويملك جذالة لغوية رغم انه رطاني من ارقين.

#جّمًآهّيَر آلَبًطِوٌلَآتٌ آلَمًحًمًوٌلَةّ جّوٌآ

أبريل 09, 2022