ﻣﺤﻤﺪ ﺍﻟﺤﺴﻦ ﺳﺎﻟﻢ ( ﺣﻤﻴﺪ )
ﻳﻜﺘﺐ ﻟﻠﺰﻋﻴﻢ ﺭﺑﻨﺎ ﻳﺮﺣﻤﻮ ﻭﻳﻐﻔﺮ ﻟﻴﻬﻮ
ﻋﻨﺪﻱ ﻣﺮﻳﺦ .. ﻭﺍﺍﺍ ﺣﻼﺍﺍﻟﻲ
ﻛﻠﻤﺎﺕ : ﺣﻤﻴﺪ
.
ﻏﺎﻟﻲ ﻳﺎ ﻣﺮﻳﺨﻨﺎ .. ﻏﺎﻟﻲ
ﻭﺍﻧﺖ ﻓﻮﻕ ﺍﻟﻌﺎﻟﻲ .. ﻋﺎﻟﻲ
ﻋﻨﺪﻱ ﻣﺮﻳﺦ ﻭﺍﺍ .. ﺣﻼﻟﻲ !
ﻓﻲ ﺳﻤﺎﻱ ﺩﺍﻳﻤﺎً ﻗﺒﺎﻟﻲ
ﻳﻬﺪﻱ ﻟﻠﻀّﺎﻝ ﻓﻲ ﺍﻟﻠﻴﺎﻟﻲ
ﻣﻦ ﺑﻬﺎﻙ ﺍﻟﻜﻮﻥ ﻳﻼﻟﻲ
ﻓﻴﻚ ﻳﻘﻴﻦ ﻟﻲ ﻗﻠﺒﻲ ﻣﺎﻟﻲ
ﻳﺎ ﻳﻤﻴﻦ ﺩﺭﺑﻲ ﻭﺷﻤﺎﻟﻲ
ﻳﻮﺕ ﺑﺤﺒﻚ ﻭﻣﺎ ﺑﺒﺎﻟﻲ
ﻳﺎﺗﻮ ﻏﻴﺮﻙ ﺟﻮﺓ ﺑﺎﻟﻲ
ﺍﺳﺮﺡ ﺍﺭﺗﻊ ﻳﺎ ﻏﺰﺍﻟﻲ
ﻳﺎ ﻋﺠﺐ ﻗﻴﺰﺍﻥ ﺭﻣﺎﻟﻲ
ﺍﻧﺖ ﻳﺎﻙ ﻋﺸﻘﻲ ﺍﻟﻤﺜﺎﻟﻲ
ﺑﻬﺠﺘﻲ ﻭﻣﻠﻬﻢ ﺧﻴﺎﻟﻲ
ﻋﻨﺪﻱ ﻣﺮﻳﺦ ﻭﺍﺣﻼﻟﻲ
ﻋﺮﺿﻮ ﻋﺮﺿﻰ ..
ﻭﻣﺎﻟﻮ ﻣﺎﻟﻰ ...
ﻣﺪﺭﺳﺔ ﻭﻓﻨﺎً ﻣﺜﺎﻟﻲ
ﺍﻧﺘﺼﺎﺭﺍﺕ ﻳﻮﺕ ﺗﻮﺍﻟﻲ
ﺍﻥ ﺳﻜﺘﻨﺎ ﺳﻜﺎﺗﻨﺎ ﻋﺎﻟﻲ
ﻭﺍﻥ ﻧﻀﻤﻨﺎ ﻧﻀﻤﻨﺎ ﺣﺎﻟﻲ
ﺻﻮﺗﻨﺎ ﺻﺎﻗﻌﺔ ﻭﻣﺎ ﺑﻴﺒﺎﻟﻲ
ﻭﺩﻩ ﺍﻟﺠﻤﺎﻝ ﻭﻣﺮﻳﺨﻨﺎ ﻏﺎﻟﻲ
ﻋﻨﺪﻱ ﻣﺮﻳﺦ .. ﻋﻨﺪﻭ ﺳﻮﺩﺍﻥ
ﻋﻨﺪﻱ ﺳﻮﺩﺍﻥ . . ﻋﻨﺪﻭ ﻣﺮﻳﺦ
ﻋﻨﺪﻱ ﻣﺮﻳﺦ .. ﻋﻨﺪﻭ ﺗﺎﺭﻳﺦ
ﺍﻗﺮﺃ ﻳﺎ ﺷﻴﺦ ﻧﺤﻦ ﺣﻴﺮﺍﻥ
ﻟﻮﺣﻨﺎ ﻣﻦ ﺳﻴﺦ .. ﻋﺰﻣﻨﺎ ﺍﻟﺴﻴﺦ
ﺷﺪﻧﺎ ﺑﻨﻴﺎﻥ ﻣﺎﻫﻮ ﺗﻠﺘﻴﺦ !
ﺍﻟﻄﻮﺍﻝ ﺍﻧﻔﺎﺱ ﻭﻓﺮّﺍﺱ
ﻳﺴﺘﺤﻘﻮﺍ ﺍﻟﺪﻧﻴﺎ ﻳﺎ ﻧﺎﺱ
ﻳﻌﻨﻲ ﻳﺎ ﺷﻨﻮ
ﺍﻥ ﺷﺎﻟﻮ ﻛﻢ ﻛﺄﺱ .. ؟
ﻭﻛﺄﺱ ﻳﻜﻮﺳُﻦ . .
ﻋﺎﺩ ﻫﻮ ﻣﺎ ﻛﺄﺱ !!
ﻛﺎﻥ ﺣﺮﺳﻨﺎ ﻋﺮﻳﻨﺎ .. ﺣُﺮﺍﺱ
ﻛﺎﻥ ﺭﻣﻴﻨﺎ ﻫﺪﻓﻨﺎ .. ﻗُﻨّﺎﺹ
ﺩﻱ ﺍﻟﻄﺮﻳﻘﺔ ﺍﻟﺒﺎﺹ ﻭﺭﺍﺀ ﺍﻟﺒﺎﺹ
ﻓﻲ ﺍﻟﺤﻘﻴﻘﺔ .. ﺍﻟﻜﻮﺭﺓ ﻓﻲ ﺍﻟﺮﺍﺱ
ﺯﻭﻟﻨﺎ ﻻ ﺟﻮّﺍﻁ .. ﻟﻮ ﻫﺠّﺎﺹ
ﻻ ﻫﻮ ﺑﺮّﻩ ﺍﻟﺪﺍﺭﺓ ﻫﻴّﺎﺹ
ﻋﻠّﻰ ﻟﻰ ﺳﺎﺱ ﺍﻏﻠﻰ ﻣﻴﺮﺍﺙ
ﻓﻌﻼً ﺍﻟﺴﻮﺍﻱ ﻣﻮ ﺣﺪّﺍﺙ !
ﻻ ﺍﻟﺪﻫﺐ ﻻ ﺍﻟﻔﻀﺔ ﻻ ﺍﻟﻤﺎﺱ
ﺗﻮﺯﻥ ﺍﻟﻌﺮﻗﺎﻥ ﺑﺎﺧﻼﺹ
ﺷﺎﻥ ﻳﺰﻓﻮﺍ ﺁﺫﺍﻥ ﻭﺍﺟﺮﺍﺱ
ﺳﻴﺮﺓ ﻟﻠﻤﺮﻳﺦ ﻭﺍﻋﺮﺍﺱ
ﺩﻣﺖ ﻳﺎ ﺳﻮﺩﺍﻥ ﺣﻠﻮ ﺍﻧﻔﺎﺱ
ﻭﻟﻠﻌﻠﻴﻜﺎ ﺣﺪﻳﺪ ﺷﺪﻳﺪ ﺑﺄﺱ
ﺑﺎﻟﻌﻠﻢ ﺑﺎﻟﻔﻦ .. ﺷﻐﻞ ﺭﺍﺱ
ﻣﺎﻓﻲ ﻛﺄﺱ ﻣﻮﺕ ..
ﻛﻮﺭﺓ ﻳﺎ ﻧﺎﺱ
.jpg)
 ﻳﻜﺘﺐ ﻟﻠﺰﻋﻴﻢ ﺭﺑﻨﺎ ﻳﺮﺣﻤﻮ ﻭﻳﻐﻔﺮ ﻟﻴﻬﻮ ﻋﻨﺪﻱ ﻣﺮﻳﺦ .. ﻭﺍﺍﺍ ﺣﻼﺍﺍﻟﻲ){kind=link}
0 التعليقات:
إرسال تعليق
مرحب بكم في مجلة الزعيم الإخبارية