الا الليبي ياحبيبي
في السلك ...بابكر سلك
فالتعلم يامجلس سوداكال
ان وليد الليبي هو افضل طرف يمين في البلد دي
وأنه طرف المنتخب الاساسي
واي محاولة للاستغناء عن وليد
تعني معاني كتيرة
من ضمنها تقديم اللاعب علي طبق من ذهب للهلال
وقد يكون من ضمنها بيع اللاعب عن طريق الشطب
في اتفاقات زي دي بتحصل تحت التربيزة
وقد تكون الاسباب اسوأ من ذلك
ديل اولاد فلان وديل اولاد علان
القصة دي في المريخ مافي
ودي الحتة الفرتقت الهلال
اولاد صلاح ادريس واولاد البرير
لما الهلال قعد ساكت عدم الموهبة
عشان كدة وليد لأ
الا الليبي ياحبيبي
وقبل كل شئ اسالوا الفنيين
محمد موسي وخالد بخيت وشخارم
سوداكال
اووووووعك
ايها الناس
قد يكون في الامر بيع
لان مجالس المدينة تتحدث عن ان وراء الحدث بياع كبييييير
نحنا لابنعرف بياع لابتاع
اي هبشة لليبي معناها مواجهة ياحبيبي
المهم
يقولون انهم بعد كل ذلك لازالوا يتلولوون
ولا اعتقد انهم يملكون ما يبرر لولوتهم
ولو كان النادي لديه خطوط حمراء وثقاقة محددة وثقة في نفسه انه يعلو ولايعلي عليه
لما تجرأ احد علي اللولوة
ولو كان المتلولوون ينظرون للمستقبل
فيجب علي النادي ان يكون اكثر تمسكا منهم بالمستقبل
لان الكيان باق والمتلولوون ذاهبون
ايها الناس
اذا قلنا ابو العائلة شطب سبعة
حايقولوا لينا ان هذا الزمان هو زمان الاحتراف
فأين ابو العائلة من الاحتراف
لذا لن نضرب لهم مثلا الا بدموع الحضري وموقف الاهلي الثابت
ذلك الموقف الذي حفظ للكيان كبريائه
كتيرة علينا دي؟؟؟؟؟
ايها الناس
اذا اعدنا تسجيل لاعب بعشرين او خمسة وعشرين مليار
بكم نعيد التش؟؟؟؟
ترليون مثلا؟؟؟
ده باب لو انفتح سيهرب من عبره كثير من اصحاب الاموال الذين يغرقون بها التسجيلات
ثم تغلبهم الشغله
ثم……..
لذا تحديد السقف هو في المقام الاول حفظ لماء وجه النادي
ايها الناس
الجار تاني دور لاعمار الدار
ايها الناس
ان تنصروا الله ينصركم
اها
نجي لي شمارات والي الخرتوم
لم تسقط بعد يا والينا
مدام القفلوا البوابات في وجه الثوار ليكونوا طعما للكجر والكتائب بقوا قيادات كمان بعد الثورة يا والينا
سلك كهربا
ننساك كيف والكلب قال انا ماناسي يوم الثوار جمب السلاح الطبي اتقفلت البوابات في وجوههم ياكبدي
والي لقاء
سلك
.jpg)
0 التعليقات:
إرسال تعليق
مرحب بكم في مجلة الزعيم الإخبارية