.jpg)
·
في السلك
تيري شيطان الجرة
*سوداقال
*أقصد سوداكال قال
* مجرد مسألة وكت هزيمة الهلال
*سوداكال ده ثقيل خلاس
*مما جانا ما عندو شغلة غير يغلب الهلال ويشيل الممتاز
*يشيل الممتاز ويغلب الهلال
*يغلب الهلال ويشيل الممتاز
*دي شغلة شنو دي
*ثقيل خلاس
*المهم
*روشا قال سوداكال استعان بالجن
*قلت ليهو الجني الكبير اسمو تيري
*تدقشو تقع
*يدقشك تقع
*وطلع تيري من الجرة
*حاور ومره
*وقال لابو عشرين كلو عشرة بي قون
*يعني لو كان اسمو ابو خمسين يا محمد عبد الماجد
*كان خمسة
*كلو عشرة بقون
*هلال شنو الداير استعانة بالجن يا روشا
*ما تفكوها في روحكم ساي
*ده حالتو بمدرب مغمور واستعداد علوق شدة وتسجيلات وهم ساي
*بي ده كلو نغلب فيكم من زمن البشير
*من زمن الحس كوعك
*تعرف ياروشا
*في زمن الديمقراطية ده ما بتضوقوا عافية
*غايتو غسلة تيري أمس دي
*حا تنضفكم من درن الدكتاتوريات
*وغبار أمانة الهلال أقصد أمانة الشباب
*نادي الحركة الوطنية ببدع في أجواء الديمقراطية والانعتاق
*أما تيري
*ولدي
*بعرفو
*وكلمتكم
*أيام محنتو
*قلت ليكم ولدنا نقيف معاهو
*ده نجم دولي
*حرام نخليهو يضيع نتاج تآمر فلول النظام السابق
*محموعة كبيرة ما عجبها كلامي
*قلت ليكم تيري ما بعمل الغلط
*لكن أمس خذلني
*قطع الزلط وعمل الغلط
*ومش كده وبس
*قطع الرحط كمان
*عافي منك ياشيطان الجرة
*أيها الناس
*كل احصائيات ناس روشا تحطمت
*تشيلوا الممتاز كل خمس سنين مرة
*أهو بنشيلو توالياً كمان ماشين على الرابع
*ما بتغلبونا في الممتاز
*وأهو ما قادرين نحسب خلال تلات سنين غلبناهم كم مرة من كترتها
*ما بتغلبونا في استادنا
*وأهو أمبارح قطع الزلط وقطع الرحط
*أيها الناس
*عارفين أجمل حاجة في هذا النصر شنو؟
*أقول ليكم؟؟
*أجمل حاجة إنو محمد عبد الماجد حا يتحفنا بروائع عثمان حسين
*وبالطريقة دي يا محمد عبد الماجد
*إلا تمشي على الحقيبة بعد عثمان حسين
*فريقكم ده أغاني عثمان حسين ما بتكفيهو
*قال يستعين بالجن قال
*عليكم الله كلام زي ده ما الجن ذاتو؟
*أيها الناس
*لا أعتقد أن هناك مريخياً لم يسعده النصر في زمن الديمقراطية
*فقط يجب أن نستثمر النصر في لم الشمل ووضع خارطة طريق عاقلة و(بالغانون)، نلتزم بها جميعاً
*لأنو قانون كهي مافي انتقال بالكل نهي
*وحتى لا نصبح عثرة في طريق المريخ
*يجب أن نتناسى ونعترف بأن المريخ للجميع وأن الرأي الآخر يجب أن نحترمه
*فلا وصايا على الكيان
*ولا تبعية لكيمان تعطل مسيرة الكيان
*مبروك للمريخ والمريخاب
*برغم أنه نصر على فريق ضعيف
*بس نصر يسير في درب تحطيم احصائيات كتبوها ناس روشا في غفلة من الزمان
*جوه إستادكم نحن أسيادكم
*هتاف له مابعده
*سنعود
*المهم
*قال ليك عمك هلالابي كبير في السن أمس قاعد في الشارع
*قالوا ليهو إنت يا حاج ما ماشي البيت؟
*قال ليهم البوديني البيت شنو؟ الكهربا قاطعة والمويه قاطعه والمره قاطعة
*أيها الناس
*إن تنصروا الله ينصركم
*أها
*نجي لي شمارات والي الخرتوم
*والينا
*إذا الجاز بتصرفوه لعربيات النفايات بس قدام عينينا
*البلد وسخانه ليه يا والينا؟؟؟؟
سلك كهربا
ننساك كيف والكلب قال بلد مستهلكاتها أربعة طن، نفاياتها أربعين طن؟؟؟حيرتونا
وإلى لقاء
0 التعليقات:
إرسال تعليق
مرحب بكم في مجلة الزعيم الإخبارية