• آخر الأخبار

    الأحد، 29 أغسطس 2021




    بابكر سلك . في السلك 

    كنداكاتنا.. حدياتنا

     *خسارة حديات الجديان أمام مصر لم تكن مفاجأة

    *برغم أن الشماتة كانت حاضرة مسبقا
    *لأن فينا ناس أضحوا لا يثقون في أي شيء سوداني
    *بصرف النظر عن معاهم حق ولا ما معاهم
    *قبل اللقاء قال أحدهم
    *بناتنا قادات عربي
    *الشنكارات دي كلها حا تنصل
    *وواحد قال لو الكورة نهار سجمنا
    *الكريمات في الشمس بتسخن
    *وواحد قال
    *وواحد قال كلام ما بتقال
    *لكن ما فينا واحد قال رأيو في كورة النسوان شنو؟؟؟؟
    *يعني ما فينا من تناول الموضوع بموضوعية تقريبا إلا أستاذي الرائع إسماعيل حسن في عمودو بالأمس
    *قصة كورة النسوان دي تفتكروا مع تقاليدنا ونشأتنا لايقه؟؟؟؟
    *أصلو ما داير أقول دينيا
    *عشان ما ننحرف لجدل بيزنطي وإنو ما كل سكان السودان على دين رجل واحد
    *على الرغم من قناعتي إنو مافي دين بقبل بمخالفة الطبيعة والفطرة
    *وأن تكوين المرأة العضوي لا يسمح لها بمخاشنات مثل كرة القدم
    *المهم
    *برغم كل ذلك
    * مظهر بناتنا كان محتشم بأزياء ما فيها تعري ولا ترسم جسم تحت الهدوم
    *ودي حتة يشكر عليها القائمون على الأمر
    *أو قل القائمات على الأمر عشان أستاذتنا ميرفت ما تزعل
    *طيب
    *إذا القصة دي ما بتشبهنا الجابرنا عليها شنو؟؟؟؟
    *يا إما الفيفا قالت يا يلعبن يا ما تلعبوا معانا
    *يا الفيفا قالت بدعم دعم من لا يخشى الفقر البلد العندها كورة قدم جكس
    *ودعم الفيفا طبعا يسيل له اللعاب وتسيل له الريالة
    *وفي الحالتين مافي جبر
    *المهم
    *إذا رأى الناس إنو كورة الجكس ما فوكا شي
    *يبقى نشتغلها صاح
    *إعداد واستعداد ودوريات والبحث عن هدف ياميرفت أختي
    *والهدف هو الموهبة أولا
    *ثم الصبر ومحاولة صناعة بطلات بحق وحقيقة
    *ولو أفلحن الحديات في تحقيق لقب دولي
    *على الصقور يقع الحرج الكبير
    *واحد قال لي دفاع بناتنا زي دفاع الهلال
    *يسرجن ساااااي
    *وفيهن وحدات بالشمال إجلنها واقفة
    *غايتو
    *إذا مصرين جيبوا لينا مواهب
    *تثبت بالصدر
    *وتريحها بالعضل
    *وتكفتها باللفت
    *في الزاوية البعيدة
    *ولكن
    *ماذا يقول الشامتون لو عرفوا إن (حديات) الكويت أخدن عشرين؟
    *أخير حدياتنا
    *والبشوف حديات غيرو تهون عليهو حدياتو
    *لكن حديات الكويت يعيبن التقل
    *تقال خلاس
    *موعدنا كورتنا ضد لبنان
    *عاد اليوم داك في ناس بتجيب جنريتر
    *شخصيا كورتنا ضد الأردن ماعندي رغبة أحضرها. جني وجن الجكس القصار
    *بكونن كلامن كتير
    *المهم
    *ابحثوا لينا يا ميرفت يا أختي عن مواهب
    *وكان ما لقيتوا مواهب
    *اقعوا إسلام
    *أيها الناس
    *إن تنصروا الله ينصركم
    *أها
    *نجي لي شمارات والي الخرتوم
    *كان شفت يا والينا
    *غلبتنا عديييييل

    سلك كهربا

    ننساك كيف والكلب قال غلبتكم؟؟؟…. وإنتوا شفتوا حاجة!!!!
    وإلى لقاء


    • Blogger Comments
    • Facebook Comments

    0 التعليقات:

    إرسال تعليق

    Item Reviewed: Rating: 5 Reviewed By: الصادق الشايب الجيلي
    Scroll to Top