.jpg)
Mohammed Kourak
أضحك مع الصفراب ...!
قالوا وعلى ذمة الراوي ان الصفراب في الاجتماع التقليدي لقمة اليوم طالبوا بالآتي :
1/ فحص المنشطات
2/ وشددوا على التحكيم ...!
نمسكه واحده واحده
قالوا الفيهو "حرقص" براااهو تلقاهو يرقص
انتو اظنكم نسيتو قصة هيثم السعودي مع المنشطات ومن ديك وبدأت رحلتكم مع المنشطات والقمة ما قبل الاخيرة شفنا جنايزكم بعد الهزيمة من الزعيم منهم من قال "راسو لافه" ومنهم من إستفرغ وكانت جميعها اعراض "وحم" لكن هي في الحقيقة كانت جرعات زايده من المنشطات "مشيها" ومشيناها ليكم ...!
اما حكاية شددوا على التحكيم ده في الحقيقة ابت تنزل لي من حلقي
الصفراب ديل ذي الكدايس "ياكلوا وينكروا"
نسيتو الرشاوي في المباريات المحلية
نسيتو دعمكم "للولايات الاقل نموا" ...!
نسيتو عنابر الاطفال ومستشفيات الولادة ...!
نسيتو الشيكات التي سلمتوها لبعض ولاة الولايات
وهذا قليل من كثير ...!
نسيتو الدعم اللامحدود من هرم لجنة التحكيم المركزية سيئ الذكر صلاح احمد محمد صالح مرورا بالحكام ناس اب شنب وشانتير والطريفي ...!
نسيتو الكاف لما عين لمبارياتكم الافريقية "حكام هجين" في سابقة تحدث لاول مرة في البطولة الافريقية ...!
نسيتو "اللمين البرير" عندما تقمص شخصية "جون سينا" وقام بضرب الحكم الجزائري جمال الحيمودي "يا ربي يكون ناولوا بالبنية ليه" ...!
نسيتو فضيحة "تبديل الرقمين" 12 و 2 نسيتو عملية التزوير التي جرت في تقريري حكم تلك المباراة والمراقب ...!
يا صفراب انتو آخر من يتكلم عن المنشطات ونزاهة التحكيم ...!
انتو عارفين الجمل بيتقدل ليه في مشيهو عشان المسكين ما عارف رقبتو معووجه اما انتو بتتبجحوا وعارفين قفاكم اعوج ...!
الصفراب ديل ناس حلوين حلا ومسليين جنس تسليه ...!
.jpeg)
0 التعليقات:
إرسال تعليق
مرحب بكم في مجلة الزعيم الإخبارية