.jpg)
للنقاش يتهم البعض موقع سبورتاق "بالسوداكاليه "
وبعيدا عن قناعات البعض الموقع دا بمثل صوت المعارضة في المريخ والحاجه دي نعم مزعجة للمريخاب لكن والله ضرورية جدا
كونو تلقي ليك زول يوريك عيوبك (بعيدا عن غرضو ومقصدو) انت في النهاية مستفيد من اي نقد عشان تصحح مسارك
ناصر بابكر سافر مصر وبي مقال واااحد حرك كل الشارع المريخي وتم ابعاد المخرب البرازيلي
موقع سبورتاق نزل تقرير قبل شهر عن عقوبات الكاف والمجلس اتحرك ودفع القرووش ( وبسبب خطا في نوع العمله لم يتم استقبال الاموال)
وبالامس تم نشر تحذير الفيفا الجديد عبر ذات الموقع وتحرك الشارع المريخي وسيتم تدارك الخطأ
الكلام دا للناس (المحاتفهمو
) ليس دفاعا عن المَوقع
ولكن دعوه للجميع
للتحلي بالروح الرياضية
وعدم التخوين
والاستفادة من كل صوت وترك ( الاغراض) لعلم الغيب
يعني استفيدو منو في تصحيح المسار
وبس
ولا عاوزين مواقع تطبل وبس؟
.jpeg)
0 التعليقات:
إرسال تعليق
مرحب بكم في مجلة الزعيم الإخبارية