في السلك بابكر سلك المخلوع

 

في السلك

بابكر سلك

المخلوع 

*لحدي أمس دي أنا قايل المخلوع ده عمر البشير

*لكن أمس وأنا استمتع بكتابات الأهلة الشرفاء

*اكتشفت إنو المخلوع ما عمر البشير براهو

*الهلال ذاتو مخلوع

*قالوا هم خلوا الباب الوراء فاتح

*فولج منه المخاليع

*مجلس إدارة مخاليع

*ما قلناها نحن

*قالوها هم

*ولما يكون مجلس الإدارة مخاليع

*يعني النادي اليديروهو مخلوع

*وبالتالي الجماهير مخاليع

*ده كلامهم

*ما كلامنا

*عشان كده رمضان طوالي بخلعهم

*قولة وووه

*أبو عشرين يمرق وأبوجا يدخل وفارس يقع

*بتخلعوا سريع خلاص

*ما مخاليع عاد ما يتخلعوا كيفن عاد

*يقعدوا يتخلعوا كده لمن يوم يجنوا عدييييل

*غايتو تاني لو قابلك زول في صينية مرور بمشي في الحركة بيد ورافع جلابيتو بيد

*وبتكلم عن دول المحور واتفاق جوبا

*أعرفو طوالي مخلوع

*ولك أن تسألو

*الأخو من مخاليع وين في الأهل ؟؟؟

*كان قال ليك من مخاليع العرضة شمال

*ده زولك ذاتو

*كرفسو وعلى التيجاني الماحي عدل

*وكان قال ليك من مخاليع الأبيض أو بورتسودان أو الفاشر

*الفكي بس يا معلم

*ده بكون سبب خلعتو عمل

*ويظل المخاليع إخوة لنا بالوسط الرياضي

*نفرح لخلعتهم ونسعى لعلاجهم

*ولو ما خلعتهم دي الكورة ذاتها ما عندها طعم

*جنكيز صاحبي مخلوعابي

*من اسم جنكيز ده الجواب يكفيك عنوانو

*خلعة رمضان دي دخلت عليهو شديد

*شاكل المرا وصالحها في نفس الوقت

*بعد شويه قال ليها انتي منو والجابك هنا شنو؟

*قالت ليهو أنا مرتك

*قال ليها مرتي؟؟؟؟

*قسيمتك وينا؟

*بطاقتك وينا؟؟؟

*قالت ليهو الله يهديك وتبطل تشجيع فريقك ده

*قال ليها دي الحاجة الوحيدة الما بخليها

*رفعت عليهو دعوى طلاق للمرض الذي لا يرجى برؤه

*الحكم لسه

*لكن القاضي بحكم ليها

*الخلعة دي مرض خطييييير

*أيها الناس

*إن تنصروا الله ينصركم

*أها

*نجي لي شمارات والي الخرتوم

*كان شفت يا والينا

*الخلعة الدخلت فينا

*دايرين نشيل المدرب شلنا الرتينة

سلك كهربا

ننساك كيف والكلب قال الناس ما بتدورنا عشان بنخلعهم

وإلى لقاء

يونيو 26, 2022