*بالدارجي الفصيح من أجل المريخ*
اب هجمة
( 19 من 500 )
_____________
ممتلكات المريخ وأصوله الثابتة .. من معدات وأجهزة وسيارات حتى ( التي شيرتات ) ..
كم ؟
أرض الملعب الرديف الخبر فيها شنو ؟
الملعب خلوهو
أرض الحتانة !!
التفاصيل شنو فيها ؟
فيكم زول شاف ليها ورق ومستندات ؟
فيكم زول عارف مساحتا كم ؟
وقيمتا السوقية الآن كم ؟
وهل موجودة بإسم المريخ ولا لحقوها غنم الإشلاق وجازفوها ؟
البص الجديد هل في متابعة دورية ليه .. ولا الشغلة ما مهمة عندكم .. !!
الصيانة .. النظافة .. مكان الوقوف !!
السواق منو وراتبو مكفيه ولا بُكرة نلقى ( اللساتك ) و ( البطارية ) متجازفات !!
السيارات التلاتة الإتبرع بيهم حفيد الشيخ مصطفى الأمين ..
الفهم فيهم شنووو
مكانم وين من ( الجوباك ) !!
مسجلات بي إسم المريخ ولا ضجة إعلامية زي تبرع ( رمرم ) السابق في أول تعيين ليو في لجنة تسيير الوالي لمن قالو إتبرع بي تلاتة عربات للمريخ !!
طيب ..
الشقق الإتبرع بيها ( أبوجيبين ) للمريخ قبل ( إسبوعين ) في أبراج ( النيلين ) .. حقيقة ولا ( لاحقين ) وعود ( التانين ) ..
وتسجيلا بإسم المريخ ( متين )
؟؟؟؟؟؟؟؟؟؟؟؟؟
سمعنا قبل فترة قالو حازم كان عاوز يتبرع بي فيلا للمكتب التنفيذي .. ويسجلا بي إسم المريخ .. ما عارف الحصل شنو فيها .. يا ريت لو يكمل جميلو للمريخ ويسجلا للمريخ بس الخوف نلقا السور الخارجي كلو صور الحازم .. ما الطبع غلاب ولازم !!
ما علينا
يا سادة نحنا ما عندنا قنابير وأي وعود إتقالت يا تتنفذ يا كمان سايقننا بالكِضب ساي
وأصول وممتلكات المريخ يجب أن تكّون ليها لجنة بإشراف الرئيس المباشر و المدير المالي .. مهمتا مراجعة ( العدد ) و ( الحالة الراهنة ) و ( مكان ) الأصل .. وقيمتو .. المسؤول منو ..
ويااااارب بكرة يطلع كاس السد قاعد في جنبة سِت شاي زي ما طلع كاس دبي ..
وهل تعلمون يا سادة و يا حكومة المريخ بأنه لشباب المريخ ( كاس ) تم رهنه من ( حكومة ) لفندق عشان ما دفعوا ليو المديونية !!!
ونفس هذا الحكومة لمن شاف كاس دبي مرق قال وحذر وأرغى وزبد بأن ممتلكات المريخ خط أحمر ..
المريخ غنيان وما محتاج لأي رأسمالي عاوز يشتهر ..
المريخ عاوز إعادة ضبط المصنع بسس وكل زول يعرف شغلو ويتحاسب عليو ..
أصول وممتلكات المريخ من أراضي وعربات وكاسات
و
تيشيرتات
خط عريييييض أحمر
البحث فيها مستمر ..
أب هجمة ✍️
#للحول
.jpg)
0 التعليقات:
إرسال تعليق
مرحب بكم في مجلة الزعيم الإخبارية