سيما وعاجباني
- يلا الليلة و بدون أي مقدمات توووش نخش في الموضوع طوالي زي ما الود سيما دخل في الموضوع قبل ما سوار الدهب يذيع التشكيلة.
- مع إنو الإستاد إسمه السلام لكن السماني لا سلام لا كلام لا تحية لا إحترام و من قولة تيت و يا زول ظط.
- بالجد سيما حركتو أليمة.
- اها تحنسوا فيهو الوقت كلو "هوي يا السماني عليك الله ما تجيب التاني" أها الثقيل امبارح جاب الأول و التاني، و سيما و عاجباني.
- جنوب الوادي شمال الوادي المريخ فريق ما عادي.
- تاني كل ما تراودكم الحكة السيماوية بس رسلوا اللوكيشن.
- بركة الطلع اسمو ابو (ورقتين) ولا كان لغاية حسي بنحسب في الربط.
- حصيلة هلال سيما في المجموعات حتى الآن هي عبارة عن نقطة و هدف.
- الموز أبو نقطة.
- نقطة سطر جديد.
- الإضاءة وصلت بورتسودان، المضمار طلع من تركيا، غرف اللاعبين مركبة في إيطاليا معسكرين في جنوب افريقيا، اليسمعكم ما يشوف نقطتكم غايتو جنس بوبار.
- طبعاً موضوع إختيارنا للعب في القاهرة ده مضايقهم ضيق شديد. نعمل ايه بقى ادي ربنا و ادي حكمتو.
- قال ٢٠ ألف دولار قال!!!
- اخدوا عدد ٢ مسمار بدل الدولار.
- تاني بتجوا؟
- السماني طلع زعلان من ابو عشرين قال وصاهو لي دكوة و حلو مر و ما جابهم ليهو. و طبعاً دي أكتر حاجة نحن بنكرها كمغتربين. و حدث ما حدث.
- الزنطور ركب الحنطور.
- اتحنطري.
- إلا بالحق يا ود يا غربال، انت فرحت أوي كده ليه لما جبت القون؟ تكونش فاكر نفسك إتأهلت؟ جاتك ستين نيلة يا ابو نقطة.
- بوتن يدخل في مفاوضات جادة مع السماني بعد أن رأى صاروخه ماركة "مبروم ٣" في مرمى أبو عشرين.
- هلالكم للثكنات افريقيا للمكنات.
- طياشة بأمر السماني.
- ما شاء الله ما شاء الله على كرشوم، لاعب من طينة الكبار.
- كرشوم البعشوم.
- أما طيفور أحلى من البتيفور.
- السماني خلاص بعد ده أمشي نوم بنصحيك كورة الإياب.
- إلا بالحق ابقوا ابعتولنا اللوكيشن. أصل الواحد طول و مابقاش عارف فين زريبة العيش.
- نقطة و قون دي دايره ليها أجاجون؟
- حال جمهور الهلال: صبرنا صبرنا صبرنا قلنا بتتصلح صبرنا صبرنا قام جابوا لينا إبراهيما، بعد ده اتمطر الشغيل.
- الأيام الجاية دي لو لاقاك أي زول ماسك آلة حاسبة و ورقة و قلم و علبة هندسة، ده ما ممتحن شهادة لا ده بكون بحسب في فرص تأهل هلال سيما لدور ال٨.
- نعود غداً لنكتب عن الإيجابيات و السلبيات مع بعض السيماويات.
- زيت الزيت: انت يا الدم لونك سماني.
#زيت_الكلام
#حسن_رضوان
#المسالمة1908
0 التعليقات:
إرسال تعليق
مرحب بكم في مجلة الزعيم الإخبارية